ՄԵԴԻԱԳՐԱԳԻՏՈՒԹՅԱՆ ԵՎ ՔՆՆԱԴԱՏԱԿԱՆ ՄՏԱԾՈՂՈՒԹՅԱՆ ԴԱՍԸՆԹԱՑ-ՔՆՆԱՐԿՈՒՄ ԾԱՂԿԱՎԱՆԻ ՄԻՋՆԱԿԱՐԳ ԴՊՐՈՑՈՒՄ

ՄԵԴԻԱԳՐԱԳԻՏՈՒԹՅԱՆ ԵՎ ՔՆՆԱԴԱՏԱԿԱՆ ՄՏԱԾՈՂՈՒԹՅԱՆ ԴԱՍԸՆԹԱՑ-ՔՆՆԱՐԿՈՒՄ ԾԱՂԿԱՎԱՆԻ ՄԻՋՆԱԿԱՐԳ ԴՊՐՈՑՈՒՄ

Տեղեկատվական գրագիտությունն ու մեդիագրագիտությունն օգնում են մարդուն ավելի գիտակից որոշումներ կայացնել: Հենց այս ուղերձով էլ այսօր դպրոցի տնօրինության հրավերով գնացել էինք հանդիպելու Տավուշի մարզի Ծաղկավան համայնքի դպրոցականների հետ: 

Մեդիագրագետ լինելու համար անհրաժեշտ է հասկանալ թե ինչպե՞ս է ստեղծվում մեդիան, և սա ավելի լավ հասկանալու համար տեսական նյութին զուգահեռ կազմակերպվեց նաև գործնական աշխատանք:

«ՄԵԴԻԱԳՐԱԳԻՏՈՒԹՅՈՒՆ. ԼՐԱԳՐՈՒԹՅՈՒՆՆ ՈՒ ՀԱՍԱՐԱԿՈՒԹՅՈՒՆԸ» ԹԵՄԱՅՈՎ ԴԱՍԸՆԹԱՑ-ՔՆՆԱՐԿՈՒՄ

«ՄԵԴԻԱԳՐԱԳԻՏՈՒԹՅՈՒՆ. ԼՐԱԳՐՈՒԹՅՈՒՆՆ ՈՒ ՀԱՍԱՐԱԿՈՒԹՅՈՒՆԸ» ԹԵՄԱՅՈՎ ԴԱՍԸՆԹԱՑ-ՔՆՆԱՐԿՈՒՄ

2018թ.նոյեմբերի 8-ին ԵՊՀ Իջևանի մասնաճյուղում տեղի ունեցավ «Մեդիագրագիտություն. լրագրությունն ու հասարակությունը» թեմայով դասընթաց-քննարկում, որը կազմակերպվել էր Եվրասիա համագործակցություն հիմնադրամի հյուսիսային մասնաճյուղի և «Երևանի պետական համալսարան» հիմնադրամի Իջևանի մասնաճյուղի համատեղ ջանքերով:

Դասընթացը վարեց Եվրասիա համագործակցություն հիմնադրամի հյուսիսային մասնաճյուղի ծրագրերի համակարգող Վարսիկ Ներկարարյանը:

Դասընթաց-քննարկմանը մասնակցում էին ԵՊՀ ԻՄ-ի լրագրության խմբի ուսանողներ, շրջանավարտների և արտաքին շահակիցների հետ տարվող աշխատանքների համակարգողը, հասարակայնության հետ կապերի և մամուլի պատասխանատուն:

Դասընթացի նպատակն էր ուսանողներին ծանոթացնել մեդիայի էությանը, նպատակին ու խնդիրներին, մեդիագրագիտության հիմունքներին, պարզաբանել լրագրություն-հասարակություն կապը և հասարակության վրա մեդիայի ազդեցությունը: 

Ներկայացվեց, թե ինչ է մեդիան, որոնք են մեդիա գործիքերը, ինչպես կողմնորոշվել ժամանակակից մեդիահոսքերում, տարբերել ճշմարիտ և կեղծ ինֆորմացիան:

Ընդգծվեց, որ մեդիագրագիտության դասընթացների նպատակը ոչ այնքան գրագետ մեդիա արտադրող, որքան գրագետ մեդիա սպառող ձևավորելն է, իսկ վերջինիս համար նախ և առաջ պետք է հասկանալ, թե ինչպես է ստեղծվում մեդիան:

Ռեցենզիա _Դեղերը ՀՀ-ում դեղատոմսով են

Իջևան Ինֆոտունը ռեֆորմների գործընթացի մասին բնակչության ավելի լայն շերտերին մասնակից դարձնելու  նպատակով փորձելու է տարբեր ոլորտային փոփոխություները ներկայացնել պաշտոնական և մասնավոր լրատվամիջոցներում հրապարակումների վերաբերյալ վերլուծական նյութեր հրապարակելով։ Առաջին նյութը վերաբերվում է դեղերը դեղատոմսերով բացթողնելու կառավարության որոշմանը:

2018 թվականի փետրվարի 28-ին ուժի մեջ է մտել կառավարության 1402-Ն որոշումը, որով սահմանվում են դեղատոմսերի ձևերը, դեղատոմսեր գրելու, ինչպես նաև դեղեր բացթողելու կարգը։ Մարտի 1-ից դեղերի մի մասը հնարավոր է գնել միայն դեղատոմսերով։

Անհրաժեշտ է ընդգծել, որ Arlis.am իրավական տեղեկատվական համակարգում տեղադրված է առողջապահության նախարարի հրաման՝ Հայաստանում առանց դեղատոմսի բաց թողնված դեղերի ցանկերի հաստատաման մասին. 2005 թ-ի ցանկում նշված է 616 անուն դեղ, 2007թ-ի ցանկում՝ 624 անուն դեղ, 2017թ-ի առանց հրամանի ցանկում՝ 1060 անուն դեղ։

«Աղստև գետի աղտոտման իրական պատճառները և դրանց լուծման հնարավոր տարբերակները»

                                         
                                                 

Սեպտեմբեր 27, 2018

«Աղստև գետի աղտոտման իրական պատճառները և դրանց լուծման հնարավոր տարբերակները»

Հանրային քննարկման ամփոփում

Նպատակը քննարկել և հասկանալ Աղստև գետի աղտոտման իրական պատճառները և գտնել հստակ լուծումներ: 

Հանրային քննարկում

Քննարկմանը ներկա էին ավելի քան 50 մասնակիցներ՝  Տավուշի մարզպետի տեղակալներ Տիգրան Թամրազյանն ու Վարդան Ալեքսանյանը, ոստիկանապետ Գեորգի Միրզոյանը, Բնապահպանության նախարարության բնապահպանության և ընդերքի տեսչական մարմնի Տավուշի տարածքային բաժնի պետ՝ Վահագն Առաքելյանը, Իջևանի համայնքապետարանի, հիմնարկ-ձեռնարկությունների, հասարակական կազմակերպությունների ներկայացուցիչներ, Իջևան քաղաքի բնակիչներ, «Իջևան սիթի» և «Բազե» խանութների մենեջերները: Վերջինս սակայն երկար չմնաց հանդիպմանը:

Աղստև գետի աղտոտման պատճառներն ըստ քննարկման մասնակիցների՝

Աղստև գետը' 09.10.2018թ.-ին

•          Գետի երկայնքով կառուցված կրպակներն են, որոնք ստեղծել են նպաստավոր պայմաններ գետը ծաղկանոցից աղբանոց դարձնելու: Այնքան խիտ են կրպակները, որ անհնար է դարձել կազմակերպել այդ հատվածի աղբահանությունը:
•          Աղբահանությունը պատշաճ ձևով չի իրականացվում: Սա փաստում են նաև գետին հարակից ձեռնարկությունների շահագործողների շրջանում Իջևան ինֆոտան կողմից 2018թ.-ի մարտին իրականացված հարցման արդյունքները: (Տես հավելված 1-ում)
•          Անհամաձայնություն կա նաև աղբատար մեքենայի մոտենալու ժամի հետ կապված: Ծառայություն մատուցողը կարծես թե ժամը չի որոշել շահառուների հետ: Հետևաբար ծառայություն մատուցողը պնդում է, որ մեքենան մոտենում է, իսկ շառահուների մի մասը պնդում է, որ չի մոտենում նշված ժամին, իսկ մյուս մասն ասում, որ այդ ժամն իրենց հարմար չէ:

ՀԵՏԱԶՈՏՈՒԹՅՈՒՆ Աղստև գետի աղտոտվածության պատճառներն ըստ բնակիչների

ՀԵՏԱԶՈՏՈՒԹՅՈՒՆ

Աղստև գետի աղտոտվածության պատճառներն ըստ բնակիչների

Սույն հետազոտությունն իրականացրել է Իջևան ԻնֆոՏունը ՀաՄաՏեղ ծրագրի շրջանականերում: 

Հետազոտության հարցաթերթը ստեղծվել է Եվրասիա համագործակցություն հիմնադրամի հյուսիսային մասնաճյուղի (ԵՀՀ ՀՄ) կողմից:ԵՀՀ ՀՄ-ն համակարգում է Իջևան ԻնֆոՏուն ծրագիրը:

Իջևան ԻնֆոՏունը ծրագրի այս փուլում իրականացրել է հարցում պարզելու Աղստև գետի աղտոտվածության պատճառները ըստ բնակիչների և դրանց հանարավոր լուծման տարբերակները:

Հետազոտությունն իրականացվել է Իջևան համայնքում ՀաՄաՏեղ ծրագրի շրջանակներում Իջևան Ինֆոտան կողմից:

Հետազոտության իրականացման ողջ ընթացքում ներգրավված են եղել Իջևան Ինֆոտան կամավորները: Հետազոտությունն իրականացվել է 14 տարեկանից բարձր բնակչության շրջանում, հարցաթերթի հիման վրա՝ դեմ առ դեմ հարցման միջոցով:
Հարցվողների թիվը՝ 120:

Ռեսպոնդենտների գերակշիռ մասը իգական սեռի ներկայացուցիչներ են (73):

ՀԱՅՏԱՐԱՐՈՒԹՅՈՒՆ «Աղստև գետի աղտոտման իրական պատճառները և դրանց լուծման ուղիները»

ՀԱՅՏԱՐԱՐՈՒԹՅՈՒՆ

«Աղստև գետի աղտոտման իրական պատճառները և դրանց լուծման ուղիները»

Հանրային քննարկում 

Եվրասիա համագործակցություն հիմնադրամի հյուսիսային մասնաճյուղն (ԵՀՀ ՀՄ) ի դեմս Իջևան Ինֆոտան, Տավուշի մարզպետարանը և Իջևանի համայնքապետարանը սիրով հրավիրում են Ձեզ մասնակցելու «Աղստև գետի աղտոտման իրական պատճառները և դրանց լուծման ուղիները» թեմայով հանրային քննարկմանը։ 

Հարային քննարկումը տեղի կունենա ս․թ սեպտեմբերի 27-ին, ժամը 14:00-ին, Տավուշի մարզպետարանի ուսումնական սրահում:
Հասցե՝ ք․Իջևան,  (Սահմանադրության 1):

Տավուշի երիտասարդները 4 Մերի Չիբուխչյան

Տավուշի երիտասարդները 4

Մերի Չիբուխչյան

-Ի՞նչ ես մտածում,  երբ լսում ես կամավոր բառը:

-Կամավորությունը ինքնակամ գործ է, որը դու անում ես առաջին հերթին՝ քեզ համար, հետո՝  ուրիշների: Կամավորության միջոցով փորձ ես ստանում և ուրիշների հետ քո փորձն ես կիսում:

-Երբևէ որևէ մեկի կամավորական աշխատանքից օգուտ ունեցե՞լ եք:

-Շատ: Օրինակ՝  ազգագրական պարերը սովորել եմ մարդկանցից, որոնք կամավոր սկզբունքով դասեր էին տալիս, հետո ինքս եմ սկսել դասավանդել:

-Կպատմե՞ք ձեր կամավորական գործունեության մասին:

-Առաջին կամավորական քայլերս արեցի 15 տարեկանում: Ազգային պարերի ուսուցիչ էի Հայաստանի երիտասարդական հիմնադրամում, ԵՊՀ Իջևանի մասնաճյուղի Ռազմահայրենասիրական ակումբում: Հետո, երբ ծանոթացա մեր Տավուշի թեմի առաջնորդ Տեր Բագրատ եպիսկոպոս Գալստանյանին որոշեցի, որ պետք է աշխատեմ սահմանամերձ գյուղերի կիրակնօրյա դպրոցներում (Կոթիում, Ծաղկավանում և Բերքաբերում): Բացի այդ՝ աշխատում եմ Արևիկ սոցիալ-կրթական կենտրոնում` որպես պարուսույց:

Տավուշի երիտասարդները 5 Սլավիկ Ալավերդյան

Տավուշի երիտասարդները 5

Սլավիկ Ալավերդյան

- Ի՞նչ է կամավորությունը ձեզ համար:

-Կամավորությունը սեփական ազատ ժամանակը հանրության կարիքներին ծառայեցնելն է:

- Ի՞նչ եք արել Տավուշի մարզի համար ձեր կամավորության շրջանակներում:

-2010թ.-ից սկսած, երբ ուսանող էի, ներգրավված եմ եղել տարբեր կամավորական ծրագրերում, եթե թվարկեմ, մի քանի տասնյակ ծրագրեր կստացվեն, այդ իսկ պատճառով կնշեմ ինձ համար ամենակարևորները.
2013թ. մարզի 5 գյուղերի համար իրականացրել ենք գրքահավաք, հավաքել ենք     500-ից ավելի գրքեր, մեզ աջակցել են տարբեր կազմակերպություններ և անհատներ, մենք այդ 5 գյուղերի դպրոցներին նվիրաբերել ենք հարյուրական գիրք:
Բացի այդ՝ մասնակցել եմ Ջինիշյան հիմնադրամի կողմից իրականացված տարբեր միջոցառումների, օրինակ՝ Լուսահովիտ գյուղի դպրոցի մի դասասենյակի վերանորոգմանը, տարբեր հուշարձանների մաքրման աշխատանքների, Իջևանի դպրոցների աշակերտների համար մշակութային, սպորտային միջոցառումների անցկացմանը:
ԵՊՀ ԻՄ-ի ուսանողների համար տարբեր դասընթացներ, սեմինարներ, գիտաժողովներ և բազմաթիվ այլ ծրագրեր եմ կազմակերպել:
Որպես ԵՊՀ ԻՄ-ի աշխատակից՝  2017-ից մինչ օրս իմ նախաձեռնությամբ ուսանողների համար կազմակերպել եմ սեմինարներ, բացի իմ հաստիքային պարտականությունները կատարելուց:
Եվ մի քանի ամիս առաջ ընկերներիս հետ ստեղծեցինք ՀԿ՝  «Ստեղծամիտ երիտասարդների միություն» անվանմամբ, և արդեն պատրաստվում ենք մի քանի ծրագիր իրականացնել Տավուշի մարզի երիտասարդների համար:

-Կամավորության ի՞նչ ճյուղեր կարող եք նշել, և ո՞րն եք ամենաշատը նախընտրում:

-Կամավորության տեսակ կարող է լինել  ինչ-որ ծրագրի նախաձեռնումը  կամ այլոց ծրագրերին մասնակցությունը, մտավոր կամ ֆիզիկական կամավորությունը: Ես նախընտրում և կարևորում եմ դրանց համատեղումը, երբ ես ամբողջովին ներգրավված եմ ծրագրում սկզբից մինչև վերջ:

Տավուշի երիտասարդները 3 Լիանա Քոսակյան

Տավուշի երիտասարդները 3

Լիանա Քոսակյան

Ինչո՞ւ և ինչպե՞ս սկսեցիք զբաղվել կամավորությամբ:

Արդեն 10 տարի է, ինչ աշխատում եմ որպես կամավոր: Աշխատել եմ Բերդի hոգևոր հովվի և «Վորլդ Վիժն Հայաստան» զարգացման և բարեգործական միջազգային կազմակերպության  հետ, նաև հանդես եմ եկել իմ սեփական նախաձեռնություններով, որոնց աջակցել են քաղաքապետարանը և բազմաթիվ երիտասարդներ, ովքեր միացել են իմ ծրագրերին:

Սկսեցի կամավորությունս, որովհետև հասկանում էի, որ կան հարցեր, որոնք ես պիտի նախաձեռնեմ և լուծեմ: Բացի դրանից՝ ես հասկանում էի, որ կամավորությունը ինձ անկրկնելի աշխատանքային փորձ կտա:

Ի՞նչ փոխեց կամավորությունը ձեր կյանքում:

Շատ բան փոխեց: Ինձ տվեց ծանոթություն և շրջապատ, ընկերներ, տարբեր մասնագիտություններով մարդկանց հետ շփման հնարավորություններ: Կամավորություն անելով՝  ես հասկացա, որ ես չպետք է սպասեմ որևէ մեկին՝  փոփոխություն տեսնելու համար, կարող ես քայլ անել և ինքդ նախաձեռնել:

Տավուշի երիտասարդները 2 Թագուհի Խառատյան

Տավուշի երիտասարդները 2
Թագուհի Խառատյան

Ի՞նչ է նշանակում լինել կամավոր:

Իմ համար կամավորությունը հոբի է, աշխատանք է, որը կապված է իմ նախասիրությունների հետ: Ես այդ աշխատանքը անում եմ առանց ինչ-որ ֆինանսական շահ ակնկալելու: Օգուտը կամ շահը կարող է համարվել հմտություներ ձեռք բերելը, որոնք այլ կերպ հնարավոր չէ ստանալ: Կամավորությունը հնարավորություն  է տալիս փոխել քո համայնքը, քո կյանքը:

Ինչու՞ եք մտածում, որ կամավորությունը կարևոր է:

Կամավորությունը թույլ է տալիս փորձ ձեռք բերել,  որը կարող ես հետագայում օգտագործել աշխատանք գտնելու համար և այլ ծրագրերի մասնակցելու համար: Դու ծանոթանում ես մի շարք մարդկանց հետ ովքեր ունեն նույն գաղափարը ու ունեն իրենց համայնքում և իրենց կյանքում փոփոխություններ կատարելու ցանկություն:

Բացի անձնական  մոտիվներից, կամավորությունը համայնքի համար ինչքանո՞վ  է կարևոր:

Եթե համայնքում կան ակտիվ երիտասարդներ, կամավորներ, նրանք կարող են համայնքը այլ համայնքներից տարբերվող դարձնել: Կամավորները կարող են կրեատիվ, հետաքրքիր փոփոխություններ մտցնել համայնքի կյանքում, որը մեր սովորական առօրյան դարձնում է ավելի տարբերվող, հետաքրքիր և բարեփոխումներով լի:

Տավուշի երիտասարդները 1 Դավիթ Խաչատրյան

Տավուշի երիտասարդները 1
Դավիթ Խաչատրյան

- Բարև Դավիթ:

- Բարև Ձեզ:

- Շատ շնորհակալ ենք, որ ժամանակ եք գտել հարցազրույցին մասնակցելու համար: Առաջին հարցը կսկսենք նրանից, թե ի՞նչ է նշանակում լինել կամավոր:

- Կամավորությունը իրենից ներկայացնում է անշահախնդիր աշխատանք, որին նվիրվում ես լիովին ու սրտիդ թելադրանքով առաջ շարժվում, լսում սրտիդ թելադրանքին: Կամավորությունը այն է, երբ քո կատարած աշխատանքի շնորհիվ մարդկանց դեմքին ժպիտ է հայտնվում, որը էլ ավելի պարտավորեցնող և ոգեշնչող է:

- Շնորհակալ եմ պատասխանի համար: Երկրորդ հարցը կլինի «Ինչո՞ւ եք մտածում, որ կամավորությունը կարևոր է»:

- Կամավորական աշխատանք կատարելով դու զգում ես, որ հասարակությանը պիտանի մարդ ես: Այն շատ կարևոր է հատկապես գիտելիքներ ստանալու տեսանկյունից, քանի որ մենք, սովորելով դպրոցում կամ համալսարանում, սովորում ենք այն ամենը, ինչ նախատեսված է ուսումնական պլանով, իսկ կամավորական ծրագրերում սովորում ենք այն ամենը, ինչ  չենք կարող սովորել այլ տեղերում: Բացի դրանից ուզում եմ նաև կարևորել  այն փորձը, որ մենք ստանում ենք կամավորության արդյունքում, որը կարող ենք օգտագործել մեր հետագա աշխատանքի մեջ:

Հայտարարություն «Երիտասարդական հնարավորություններ» կոնֆերանս

Հայտարարություն
 «Երիտասարդական հնարավորություններ»
կոնֆերանս

Եվրասիա համագործակցություն հիմնադրամի հյուսիսային մասնաճյուղը՝ ՄԱԿ-ի Բնակչության հիմնադրամի հետ համատեղ ս/թ օգոստոսի 12-ին, Իջևան քաղաքում կազմակերպում է «Երիտասարդական հնարավորություններ» խորագիրը կրող կոնֆերանս՝ նվիրված Երիտասարդության միջազգային օրվան: 

«Տավուշի երիտասարդները» մեդիա արշավ

            «Տավուշի երիտասարդները»                                  մեդիա արշավ

Օգոստոսի 12-ին՝ Երիտասարդության միջազգային օրվան ընդառաջ, Իջևան Ինֆոտունը սկսում է «Տավուշի երիտասարդները» խորագիրը կրող հոդվածների շարք: Մենք կընտրենք 5 ակտիվ երիտասարդների Տավուշից, կանցկացնենք հարցազրույց և տվյալ երիտասարդի մասին կստեղծենք պատմություն և այն կտարածենք տարբեր մեդիա հարթակներով: Այս նախաձեռնությունով մենք ցանկանում ենք կրկին անգամ խոսել կամավորության, համայնքի կյանքին երիտասարդների մասնակցության կարևորության մասին:

Դու կարող ես առաջադրել ինքդ քեզ կամ մեկ այլ երիտասարդի ում ճանաչում ես և կարծում ես, որ հենց այս երիտասարդի մասին պիտի իմանան բոլորն ու նա կարող է լավ օրինակ ու ոգեշնչման աղբյուր հանդիսանալ մյուսների համար:

2018թ.-ի երիտասարդական մայրաքաղաքում ի՞նչ հարթություն կտեղափոխվի երիտասարդների և տեղական ինքնակառավարման մարմինների միջև համագործակցությունը

2018թ.-ի երիտասարդական մայրաքաղաքում ի՞նչ հարթություն կտեղափոխվի երիտասարդների և տեղական ինքնակառավարման մարմինների միջև համագործակցությունը

2013 թվականից ՀՀ սպորտի և երիտասարդության հարցերի նախարարության կողմից իրականացվում է «Հայաստանի Հանրապետության տարվա երիտասարդական մայրաքաղաք» ծրագիրը: 2018թ.-ին այդ կոչման արժանացել է Իջևանը: Շատերը գիտեն այս մասին, սակայն գուցե ոչ բոլորն են լիարժեք տիրապետում ինֆորմացիային: Ենթադրվում է նաև, որ պետք է նոր հարթություն տեղափոխվի երիտասարդների մասնակցությունը համայնքի կառավարմանն ու  համայնքի հետ կապված որոշումների կայացմանը:  Այս ամենի մասին մենք այսօր զրուցում ենք Իջևանի փոխքաղաքապետ  պարոն Արթուր Ճաղարյանի հետ:

- Պարոն Ճաղարյան ինչո՞ւ հենց Իջևանը: Որո՞նք էին Իջևանի առավելությունները առաջադրված մյուս քաղաքների նկատմամբ:

- Հաղթող համայնքն ընտրվել է մրցույթի փորձագետների գնահատման, գաղտնի քվեարկության և sms հաղորդագրությունների արդյունքների հիման վրա: Մրցույթի փորձագետներն այցելել են Իջևանի տարբեր հասարակական կազմակերպություններ`Իջևան ԻնֆոՏուն, Հույսի կամուրջ, SOS մանկական գյուղ, Տավուշի երիտասարդական կենտրոն, ԵՊՀ Իջևանի մասնաճյուղ և տարբեր հյուրանոցներ: Իհարկե մեծ դեր են ունեցել այս կազամակերպություններն ու դրանցում  երիտասարդների ակտիվությունն ու գործունեությունը: 2017 թվականի սեպտեմբերի 4-ին մեզ  փոխանցել են երիտասարդական մայրաքաղաքի փոխանցիկ բանալին: Նախորդ տարիների հաղթող քաղաքներն են եղել  Սիսիանը, Ստեփանավանը, Գյումրին ու Չարենցավանը։

Տավուշի մարզի Իջևանի տարածաշրջանում վարչատարածքային բարեփոխումների վերաբերյալ հանրային կարծիքի ուսումնասիրություն

Տավուշի մարզի Իջևանի տարածաշրջանում վարչատարածքային բարեփոխումների վերաբերյալ հանրային կարծիքի ուսումնասիրություն  

Ուսումնասիրությունը նախաձեռնել է Եվրասիա համագործակցություն հիմնադրամը՝ Հանրային մասնակցություն տեղական ինքնակառավարմանը (ՀաՄաՏեղ) ծրագրի շրջանակներում:

Վարչատարածքային բաժանման այլընտրանքային քարտեզ Իջևանի տարածաշրջանում» ծրագրի շրջանակներում տեղի ունեցավ համայնքների խոշորացման թեմայով կազմակերպված Town Hall մեթոդով քննարկում։

Հանրային քննարկմանը հրավիրվել են Իջևանի տարածաշրջանի 19 համայնքների աշխատակազմերի, համայնքային ենթակայության ՀՈԱԿ-ների, բնակիչների ակտիվ խմբերի ներկայացուցիչներ։

Միջոցառմանը մասնակցել են 18 համայնքից 117 ներկայացուցիչ։

Մարդամեջ 2018 սոցիալական նորարարության հավաք. մասնակցության հրավեր

Եվրասիա համագործակցություն հիմնադրամը «Մեդիան քաղաքացիների տեղեկացված մասնակցության համար» ծրագրի շրջանակներում հրավիրում է 16-30 տարեկան երիտասարդներին մասնակցելու «Մարդամեջ 2018» սոցիալական նորարարության (ՍՆ) հավաքին։

Մենք փնտրում ենք նորարար և ստեղծագործ մտածողությամբ նախաձեռնողի/ների, ովքեր ուզում են փոփոխություն տեսնել իրենց համայնքում, մասնակից լինել ՀՀ-ում կատարվող սոցիալական, տեղական իշխանությունների հզորացման, թափանցիկության և հաշվետվողականության (հակակոռուպցիոն), մարդու իրավունքների ու ազատությունների ոլորտներում տեղի ունեցող գործընթացներին և բարեփոխումներին:

Մասնակցության կարգը

«Մարդամեջ» ՍՆ հավաքին մասնակցելու համար անհրաժեշտ է լրացնել առցանց հայտը և ուղարկել ինքնակենսագրական (CV) Տաթևիկ Փափազյանին՝ tpapazyan@epfound.am էլ. հասցեով՝ վերնագրելով նամակը «Մարդամեջ սոցիալական նորարարության հավաք․Անուն Ազգանուն»։ Հայտերի ներկայացման վերջնաժամկետն է ապրիլի 14-ը։

Մասնակցությունը Մարդամեջին  անվճար է, մասնակիցների կեցության սննդի, ինչպես նաև ճանապարհային ծախսերը հոգում է ԵՀՀ-ն։ Միջոցառմանը ամբողջությամբ մասնակցելը պարտադիր է:

Համայնքապետարանի կայքը որպես մասնակցային գործիք

Համայնքապետարանի կայքը որպես մասնակցային գործիք
-Իջևան համայնք- 

ՀԵՏԱԶՈՏՈՒԹՅՈՒՆ

 
Սույն հետազոտությունն իրականացրել է Իջևան ԻնֆոՏունը ՀաՄաՏեղ ծրագրի շրջանականերում: 
Հետազոտության հարցաթերթը ստեղծվել է Եվրասիա համագործակցություն հիմնադրամի հյուսիսային մասնաճյուղի (ԵՀՀ ՀՄ) կողմից:
ԵՀՀ ՀՄ-ն համակարգում է Իջևան ԻնֆոՏուն ծրագիրը:

Իջևան ԻնֆոՏունը ծրագրի այս փուլում իրականացրել է հարցում-իրազեկում, որի նպատակն է գնահատել Իջևան համայքնում համայնքային կայքի (ijevancity.am) հասանելիությունն ու հանրության կողմից դրանց  օգտագործման մակարդակը: Հարցմանը զուգահեռ Իջևան Ինֆոտունը իրականացրել է իրազեկում՝ համայնքային կայքը որպես մասնակցային գործիք կիրառելու հնարավորությունները:
(Հավելված 2-իրազեկման թերթիկ):

Հետազոտության իրականացման ողջ ընթացքում ներգրավված են եղել Իջևան Ինֆոտան կամավորները: Հետազոտությունն իրականացվել է 16 տարեկանից բարձր բնակչության շրջանում, հարցաթերթի հիման վրա՝ դեմ առ դեմ հարցման միջոցով:
Հարցվողների թիվը՝ 100:

Հետազոտության արդյունքների գրաֆիկական պատկերը

Հարցվածների գերակշիռ մասը տեղյակ չէ Իջևանի համայնքային կայքի գոյության մասին (գրաֆիկ 1.)  35 – այո, 65 ոչ: Կայքի մասին տեղյակ անձիք 

Իսկ կայքի մասին 35 տեղեկացված հարցվածներից 21-ը կայքը չի օգտագործում:

(Գրաֆիկ 2.)

Մի քիչ էլ Իջևանի մասին

Մի քիչ էլ Իջևանի մասին

Նկարը վերցված է instagram-ից ijevanthebestcity էջի

Իջևանը տարիներ առաջ փոքրիկ գյուղ էր, որի բնակիչների մեծ մասը եկել էին տարբեր վայրերից, զբաղվում էին հողագործությամբ և այգիների մշակությամբ: Ոմանք զբաղվում էին նաև շերամապահությամբ: Ստացվող հումքն ուղարկում էին տարբեր գործարանների: Բնակարանների մեծ մասը գետնափոր էին: Թեև անտառը մոտ էր, բայց մարդիկ քիչ էին օգտվում անտառից: Հետագայում այստեղ սկսում են կառուցել շենքեր, գործարաններ: Առաջինը հիմնադրվում է փայտամշակման գործարանը:

  Հետաքրքիր էին նաև  ավանդույթները, սովորություներն ու խաղերը: Հիշում եմ՝ բաժանվում էինք թիմերի: Թիմերն իրարից կանգնում էին որոշակի հեռավորության վրա: Վերցնում էինք մեկ հատ մեկ ու կես մետր երկարությամբ փայտ, և մեկ հատ կես մետրանոց փայտ:

Թանգարանի բաց դռներն ու իր նվիրյալը

Թանգարանի բաց դռներն ու իր նվիրյալը

Ես սիրում եմ իմ ծննդավայրը: Երբ ուրիշ տեղ եմ լինում, կարոտում եմ մեր հայրենի հողն ու ջուրը: Ամեն անգամ Իջևանից հեռանալիս կամ հետ վերադառնալիս իմ աչքի առջև Իջևանի թանգարանն է: Կարծես էլ ուժ  չունի և մի կերպ է փորձում   կանգուն մնալ: Այս փլվող, սառը պատերից ներս թանգարանի այցելուներին է սպասում ընկ. Թանանյանը՝  թանգարանի ավագ գիտաշխատողն ու իսկական նվիրյալը:

Այսօր գնացել էի հարցազրույց վերցնելու: Նրա հետ զրուցելով այնքա՜ն բան իմացա ինձ համար միշտ մռայլ թվացող, բայց իրականում շատ ջերմ թանգարանի մասին:
-  Ընկեր Թանանյան խնդրում եմ մի փոքր պատմեք թանգարանի և Ձեր մասին:

- 2009թ. էր, որ թանգարանի տնօրեն նշանակվեցի: Առաջին միջնակարգ դպրոցում ուսուցիչ էի, հետո եկել եմ այստեղ, իմ միջոցներով վերանորոգումներ եմ արել՝ լույս, ջուր եմ քաշել, որ հարմարություններ ստեղծեմ աշխատողների համար: Երկար ժամանակ չի գործել թանգարանը, ես էլ որ թանգարաններ արդեն ստեղծել էի դպրոցում և ունակ էի, ձեռքիցս գալիս էր, որոշեցի էս թանգարանին էլ հայրենագիտական ու հայրենասիրական ուղղություն տամ: Իջևանի պատմաերկրագիտական

թանգարանը եղել է Սարդարապատի թանգարանի մասնաճյուղ:   1985թ.-ին 9,600 ցուցանմուշ տարվել է այնտեղ:
Հեղափոխության շրջանից եղել է 83 ցուցանմուշ: Էս ժամացույցը, աթոռները, յուղաներկով նկարները Սովետական Հայաստանի կուսակցական և պետական գործիչ, հրապարակախոս Սարգիս Կասյանինն են:

1997 թվականին քաղաքապետ Արմեն Ղուլարյանի և այդ ժամանակվա ավագանու որոշմամբ փորձեցին վերականգնել նախկին թանգարանը և ցուցանմուշներ, առարկաներ հայթհայթել, բայց դժբախտաբար չստացվեց: Հետո շատ եմ փորձել մի բան գլխի բերել:
Լուսամուտների ճաղաշարքն էլ եմ ես գցել: Բաներ կար տանում էինք տուն, որ չգողանան:

-  Իսկ վերջին անգամ ե՞րբ է թանգարանը վերանորոգվել:

- Թանգարանը կարելի է ասել 2002 թվականից այս կողմ չի վերանորոգվել, դե իմ վերանորոգածը չեմ ասում: Դավթյան Աշոտն է վերանորոգել ու մինչև այսօր էլ վերանորոգման խիստ կարիք ունի: