вторник, 26 февраля 2019 г.

«Հարկային օրենսգրքի փոփոխությունները և հակակոռուպցիոն համապատասխանությունը բիզնեսում»


«Հարկային օրենսգրքի  փոփոխությունները  և հակակոռուպցիոն 

համապատասխանությունը բիզնեսում» 


Երևան քաղաքի առևտրաարդյունաբերական պալատը՝ միջազգային մասնավոր ձեռնարկատիրության կենտրոնի (CIPE) հետ համատեղ Հայաստանում իրականացնում է «Հայաստան. Հակակոռուպցիոն վարվելակերպի խրախուսումը և բարեփոխումները» ծրագիրը, որի շրջանակներում  նախատեսվում է Հայաստանի մի շարք մարզերում իրականացնել  «Հարկային օրենսգրքի  փոփոխությունները  և հակակոռուպցիոն համապատասխանությունը բիզնեսում» թեմայով դասընթացներ:

Դասընթացը նպատակ է հետապնդում բարձրացնել մասնավոր հատվածի տեղեկացվածության մակարդակը հարկային օրենսգրքի նոր փոփոխությունների և գործարար վարվելակարգի կանոնների ներդրման վերաբերյալ, ինչպես նաև տրամադրել համապատասխան տեղեկատվություն և անվճար խորհրդատվություն հետագայում հակակոռուպցիոն համապատասխանության սեփական ծրագիրը ներդնելու համար:

Դասընթացին կարող են մասնակցել ընկերությունների բաժնետերեր, տնօրեններ, խորհրդի անդամներ, հաշվապահներ, իրավաբաններ:

Դասընթացը տեղի կունենան մարտի 4-ին, ժամը՝ 10:30-14:30-ին, Եվրասիա համագործակցություն հիմնադրամի հյուսիսային մասնաճյուղում/Իջևան Ինֆոտուն, հասցե՝ Տավուշի մարզ, ք. Իջևան Անկախության 60 (8 և 10 շենքերի   հարևանությամբ): 

вторник, 19 февраля 2019 г.

«Իջևան համայնքի խնդիրների լուծումները նախընտրական ծրագրերում. Քննարկում Իջևանի ավագանու թեկնածուների միջև»


«Իջևան համայնքի խնդիրների լուծումները նախընտրական ծրագրերում. Քննարկում Իջևանի ավագանու թեկնածուների միջև»

            2019թ.-ին փետրվարի 17-ին Իջևանում տեղի ունեցան ավագանու ընտրություններ: Այս առիթով Եվրասիա համագործակցություն հիմնադրամի հյուսիսային մասնաճյուղն ի դեմս Իջևանի ինֆոտան կազմակերպեց  նախընտրական բանավեճ:
            Բանավեճին հրավիրվել էին բոլոր առաջադրված թեկնածուները, բացառությամբ 1-ի, ում հետ կապ հաստատել չէր հաջողվել: Հրավիրված 32 ավագանու թեկնածուներից հանդիպմանն իրենց մասնակցությունը մինչ քննարկման նախորդ օրվա վերջ հաստատել էին 25 թեկնածու, սակայն  ներկայացան միայն 9-ը:  Հատկանշական էր, որ թեկնածուներից 10-ը, ովքեր  նախկին ավագանու անդամներ էին, ոչ ոք չմասնակցեց քննարկմանը:
           

Միջոցառման նպատակն էր դեբատի ֆորմատով բարձրացնել համայնքի բնակիչներին հուզող հարցերը և լսել դրանց լուծմանն ուղղված թեկնածուների տեսլականները։ Բնակիչների կողմից հարցերի հավաքագրման համար օգտագործվեց նաև օնլայն հարթակը․ Ինֆոտան ֆեյսբուքյան ուղիղ հեռարձակման ընթացքում բնակիչներն հնարավորություն ունեին իրենց հարցերն ուղղել հենց մեկնաբանություններում:




Քննարկվող հիմնական թեմատիկ ուղղություններն էին՝

  • Աղստևի աղտոտումը և աղբահանության խնդիրներն Իջևանում
  • Տուրիզմի զարգացման հեռանկարներն Իջևանում
  • Հանրային տարածքների վերաիմաստավորման հնարավորություններն Իջևանում
  • Համայնքի կառավարման հաշվետվողականության բարձրացում
  • Ավագանու դերի և ավագանու ինսիտուտի նկատմամբ վստահության  բարձրացում
  • Համայնքային ենթակայության հիմնարկներ և դրանց գործունեությունը
  • Համայնքում մշակութային և սպորտային կյանքի զարգացում
  • Նոր ներդրողների ներգրավում
  • Երիտասարդների մասնակցությունը համայնքի կառավարմանը
  • Համագործակցություն համայնքում ակտիվ գործունեություն իրականացնող  կառույցների ու անհատների հետ:
       Յուրաքանչյուր թեկնածուին տրվեց ժամանակ ներկայացնելու իր ծրագիրը: Այնուհետ վերոնշյալ թեմատիկ ուղղություններով յուրաքանչյուր թեկնածուին տրվեցին 3-ական հարցեր՝ հաշվի առնելով նրանց ներկայացրած նախընտրական ծրագրերը, մասնագիտացումը և մինչ այս ծավալած գործունությունները:
Մասնակից բոլոր թեկնածուներն իրենց խոսքում ողջունեցին քննարկումը, ընդգծելով, որ սա նպաստում է ավագանու անդամների նկատմամբ բնակչության վերբերմունքի լավացմանը: 

           Հանդիպմանը մասնակցած 9 թեկնածուներից ընտրվել են 3-ը՝ Արման Մատինյան, Թաթուլ Աթաբեկյան և Խաչատուր Համզյան:

            Ընտրված թեկնածուներից Արման Մատինյանը խոստանում է ավագանի դառնալու դեպքում համայնքի կառավարումը դարձնել ավելի հաշվետվողական և թափանցիկ: Ինչպես նաև պլանավորում է իրականացնել բյուջեի առավել նպատակային բաշխում:  Նա նաև խոսեց համայնքային ենթակայության հիմնարկներում առկա խնդիրների մասին և նշեց, որ հետևողական է լինելու այդ կառույցների աշխատանքների լավացմանն ու բնակչության համար դրանց առավել գրավիչ դարձնելուն:  Այն հարցին թե ինչպե՞ս է գնահատում ՏԻՄ աշխատանքը հաշվետվողականության տեսնկյունից և որքան հաշվետվողական է այսօր ՏԻՄ-ը Արման Մատինյանը պատասխանեց, որ գործող ավագանու հաշվետվողականությունը գնահատում է զրո և ինքը ընտրվելու դեպքում քայլեր  է ձեռնարկելու հաշվետվողականությունն ապահովելու համար: 

Նա առաջարկում է օնլայն հեռարձակել բացառապես բոլոր նիստերը ինչպես նաև ավելացնում, որ ստեղծված իրավիճակը միայն ավագանու անդամների խնդիրը չէ, դա նաև մեր բնակիչներիս խնդիրն է, եթե բնակիչները լինեն պահանջատեր ավագանու անդամները կաշխատեն հաշվետվողական:

понедельник, 4 февраля 2019 г.

Մրցույթ գրել սիրողների համար

Մրցույթ գրել սիրողների համար


Ե՞րբ - փետրվարի 12-ին, ժամը 15:30-ին,
Որտե՞ղ - Իջևան Ինֆոտանը,
Ո՞վքեր կարող են մասնակցել - մրցույթին կարող են մասնակցել 14 տարեկանը լրացած ցանկացած անձ:

Ի՞նչ է Write on-ը - այն գրավոր ստեղծագործական մրցույթ է, մրցույթի լեզուն անգլերենն է, սակայն գնահատման գործընթացում չեն դիտարկվելու քերականական և ուղղագրական սխալները: Գնահատվում է միայն մասնակցի ստեղծագործ միտքը: