Իջեւան ինֆոՏունը՝ փոփոխություններ նախաձեռնող կենտրոն

ԻնֆոՏները քաղաքացիների համար տեղեկատվություն ստեղծող եւ սփռող հզոր կենտրոններ են, որտեղ կենտրոնացված են տեղեկություններ ստեղծելու համար անհրաժեշտ մարդկային եւ տեխնիկական ռեսուրսներ: ԻնֆոՏների հիմնական նպատակը հանրային իրազեկության մակարդակԻ բարձրացումն ու քաղաքացիական հասարակություն ձեւավորումն է: ԻնֆոՏների ցանցը գործում է ՀՀ 8 քաղաքներում՝ Արարատ, Արմավիր, Գյումրի, Իջեւան, Մարտունի, Վայք, Վանաձոր եւ Սյունիք: 

Ինֆոտուն ծրագիրն Իջեւանում իրականացնում է Եվրասիա համագործակցություն հիմնադրամի հյուսիսային մասնաճյուղը, իսկ համակարգողը Վարսիկ Ներկարարյանն է: Մասնաճյուղը հիմնադրվել է 2013 թվականի հուլիսին: Իջեւան ինֆոՏան նպատակն է հզորացնել երիտասարդների եւ հասարակական կազմակերպությունների կարողությունները, զարգացնել եւ բարձրացնել վերջիններիս դերը համայնքային կյանքում, ինչպես նաեւ Տավուշում խթանել մեդիագրագետ հասարակության ձեւավորմանն ու նոր մեդիագործիքների կիրառմանը:

Իջևանի երիտասարդական բանկի համայնքային ծրագրերի դրամաշնորհների հանձնում

«Փոքրիկ Իջևան՝ Իջևանի ներսում» կամ մեկնարկում է հետաքրքիրներից ամենահետաքրքիր փուլը

Ավելի քան 40 մարդ մասնակցեց համայնքային ծրագրերի դրամաշնրհների հանձնման արարողությանը որի ժամանակ Իջևանի Երիտասարդական Բանկ ծրագրի (ԻԵԲ) կոմիտեն կողմից հայտարարեց համայնքային հաղթող ծրագրերի անունները և հանձնեց հավաստագրերը: Ներկայացված 11 համայնքային ծրագրերից ԻԵԲ կոմիտեն ընտրել էր երկու ծրագիր՝ Ազատամուտի «Սպորտը որպես համայնք-ՏԻՄ համագործակցության միջոց»  և Այգեհվիտի  «Առավել իրազեկ Այգեհովիտ» ծրագրերը:

Ֆինանասավորվող ծրագրերից առաջինի նպատակն է բարեկարգել Ազատամուտ համայնքի ֆուտբոլի դաշտը՝ ԻԵԲ-ի, ՎՎՀ-ի Իջևանի Տարածքային ծրագրի գրասենյակի և համայնքապետարանի համատեղ աջակցությամբ:

Հանրային ելույթի հիմունքներ

Հանրային ելույթի հիմունքներ արագացված դասընթաց Իջևանում

Իջևան Ինֆոտունը հոկտեմբերի 13-ին և 16-ին հրավիրում  է մասնկացելու «Հանրային խոսք» թեմայով երկօրյա դասընթացի:

1-ին հանդիպում—տեսական մաս

-Ինչպե՞ս  վստահորեն  ելույթ ունենալ հանրության առջև: Ինչպե՞ս պահել քեզ ելույթի ժամանակ: Ինչպե՞ս գրավիչ ելույթ ունենալ:

2-րդ հանդիպում-գործնական մաս
-Մասնակիցները հնարավորություն կունենան նախապես ընտրված որևէ թեմայով հանդես գալ կարճ ելույթներով և գործնականում կիրառելու ստացված գիտելիքները, ինչպես նաև սովորել մեկը մյուսից:

Օր 1. Հոկտեմբերի 13, 15:30 - 17:00

Օր 2. Հոկտեմբերի 16, 15:30 - 17:00

Տեղերը սահմանափակ են, ընտրվելու են միայն առաջին 10 գրանցվողները:

Գրանցվելու համար խնդրում ենք լրացնել հետևյալ հայտադիմումը:

Կոնֆլիկտների տրանսֆորմացիայի դպրոց. մասնակցության հրավեր

Կոնֆլիկտների տրանսֆորմացիայի դպրոց. մասնակցության հրավեր

Եվրասիա համագործակցություն հիմնադրամը (ԵՀՀ) հրավիրում է մասնակցելու իր կողմից պարբերաբար կազմակերպվող կոնֆլիկտների տրանսֆորմացիայի հերթական դպրոցին, որը տեղի կունենա ս.թ. հոկտեմբերի  19-ից 22-ը ԵՀՀ գրասենյակում, Երևան, Ազատության 1/21 բն. 22։ Դասընթացի հիմքում դրված են քննադատական մտածողության և կոնֆլիկտների տրանսֆորմացիայի մոտեցումները։

Դպրոցի մասնակիցները կծանոթանան կոնֆլիկտների տրանսֆորմացիայի մեթոդաբանությանը, կզարգացնեն իրենց քննադատական մտածողությունը և ձեռք կբերեն խաղաղարարության որոշակի փորձ։

Դպրոցի նպատակն է.

Զարգացնել հայաստանյան քաղաքացիական հասարակության խաղաղարարական կարողությունները` մասնակիցներին տրամադրելով գիտելիքներ և հմտություններ խաղաղության, քննադատական մտածողության և ֆասիլիտացիայի ասպարեզներում։

Դիմելու կարգը

Որքանո՞վ և որտեղի՞ց են տավուշցիները տեղեկանում տեղական իրադարձությունների մասին

Որքանո՞վ և որտեղի՞ց են տավուշցիները տեղեկանում տեղական իրադարձությունների մասին

Իջևանի երիտասարդական բանկի իրականացրած հարցման արդյունքները

Հարցման նպատակն է պարզել Տավուշի մարզում.

- ի՞նչ տեղեկատվական աղբյուրներից են օգտվում քաղաքացիները,
- որքանո՞վ են նրանք տեղեկացված իրենց համայնքում կատարվող իրադարձություններից
- որքանո՞վ են մասնակցում  համայնքի կյանքին:

Սույն հետազոտության արդյունքները թույլ են տալիս ասել, որ Տավուշի մարզում լրատվության աղբյուրների պակաս կա: Տեղական նորությունների, իրադարձությունների մասին մարդկանց մեծ մասը տեղեկանում է ընկերներից և/կամ ինտերնետից:  

Հարցման մասնակիցների թիվը 86

Diagram 1

ա) 14-18 – 38 բ) 18-35 - 22 գ) 35+ - 24

Հարցմանը մասնակցել են Տավուշի մարզի հետևյալ 8 համայնքներից.

Իջևան ինֆոտունը հայտարարում է Մեդիագրագիտության և Քննադատական մտածողության դասընթաց

Իջևան ինֆոտունը հայտարարում է Մեդիագրագիտության և Քննադատական մտածողության դասընթաց

Իջևան ինֆոտունը  հայտարարում է «Մեդիագրագիտություն և Քննադատական մտածողություն» 12 հանդիպումներից  բաղկացած կուրս, որը մեկնարկելու է 2017 թվականի հոկտեմբեր ամսից սկսած: Դասընթացի օրերը և ժամերը կհստակեցվեն մասնակիցների ընտրությունից հետո: 

 Դասընթացը կազմված է Մեդիա նախաձեռնությունների կենտրոնի պատրաստած «Մեդիագրագիտություն» ձեռնարկի ու ԵՀՀ-ի կողմից մշակված քննադատական մտածողության նյութերի հիման վրա։ Դասընթացը ներառում է նաև տեսական-գործնական նյութեր, վարժություններ, տեսաձայնային նյութեր, հղումներ, համակարգչային խաղ:

 «Մեդիագրագիտություն» դասընթացը կազմված է 12 թեմաներից՝ մեդիայի պատմություն, ներկա դաշտ, լրատամիջոցների  գործունեության առանձնահատկություններ, լսարանի վրա ունեցած ազդեցություն, մեդիայի վտանգներ ու ընձեռած հնարավորություններ և այլն:

Դասընթացի նպատակն է.

#լավ_բան_Իջևանում

#լավ_բան_Իջևանում

Եվրասիա համագործակցություն հիմնադրամի հյուսիսային մասնաճյուղը  (#ԵՀՀ_ՀՄ) հրավիրում է պատասխանատու, պարտաճանաչ, նախաձեռնող ու նորարար երիտասարդների հետևյալ կամավորական աշխատանքներում ընդգրկվելու համար.

●     Լուսանկարիչ, ցանկանալի է, որ ունենա նաև լրագրողական հմտություններ,

●     ԵՀՀ ՀՄ-ի բլոգի պատասխանատու,

●     Միջոցառումների կազմակերպիչ:

Հնարավոր է, որ առաջին 2-ը իրականացնի մեկ անձ: