Իջևանի երիտասարդական բանկի համայնքային ծրագրերի դրամաշնորհների հանձնում

«Փոքրիկ Իջևան՝ Իջևանի ներսում» կամ մեկնարկում է հետաքրքիրներից ամենահետաքրքիր փուլը

Ավելի քան 40 մարդ մասնակցեց համայնքային ծրագրերի դրամաշնրհների հանձնման արարողությանը որի ժամանակ Իջևանի Երիտասարդական Բանկ ծրագրի (ԻԵԲ) կոմիտեն կողմից հայտարարեց համայնքային հաղթող ծրագրերի անունները և հանձնեց հավաստագրերը: Ներկայացված 11 համայնքային ծրագրերից ԻԵԲ կոմիտեն ընտրել էր երկու ծրագիր՝ Ազատամուտի «Սպորտը որպես համայնք-ՏԻՄ համագործակցության միջոց»  և Այգեհվիտի  «Առավել իրազեկ Այգեհովիտ» ծրագրերը:

Ֆինանասավորվող ծրագրերից առաջինի նպատակն է բարեկարգել Ազատամուտ համայնքի ֆուտբոլի դաշտը՝ ԻԵԲ-ի, ՎՎՀ-ի Իջևանի Տարածքային ծրագրի գրասենյակի և համայնքապետարանի համատեղ աջակցությամբ:


Երկրորդ ծրագրի շրջանակներում Այգեհովիտ համայնքում կբարեկարգվեն երկու կանգառներ՝ ԻԵԲ-ի, ՎՎՀ-ի և համայնքապետարանի համատեղ աջակցությամբ և կանգառի համապատասխան կահավորված հատվածներից բնակիչները կտեղեկանան  ՏԻՄ նորություններին:

Միջոցառման վերջում Արարատ Ալիխանյանը նույնպես  շնորհակալության խոք ասաց և կոչ արեց երիտասարդներին միշտ  լինել լավատես և մասնակից լինել իրենց համյանքների զարգացմանը՝ նշելով որ յուրաքանչյուր համայնքի բարեկարգմամբ նախ զարգանում և բարեկարգվում ենք ինքներս:
Դրամաշնորհների հանձնամանը ներկա էին ԻԵԲ կոմիտեի անդամները, ԵՀՀ Հյուսիսային մասնաճյուղի համակարգողը և աշխատակիցները, Տավուշի մարզպետարանի զարգացման ծրագրերի բաժնի ղեկավար Գուրգեն Հարությունյանը, ԱՄՆ Խաղաղության կորպուսի կամավորները, Ազատամուտի համայնքապետի տեղակալը և ՎՎՀ-ի տարածքային գրասենյակի երիտասարդական ծրագրերի համակարգող Արարատ Ալիխանյանը:

Միջոցառման ավարտին պրն.  Հարությունյանը հայտնեց իր շնորհակալական խոսքը ՝   ԻնֆոՏունն անվանելով «Փոքրիկ Իջևան՝ Իջևանի ներսում», որը կատարում է կարևոր աշխատանք և հնարավորություն տալիս երիտասարդներին անկաշկանդ կերպով արտահայտել իրենց մտեքերը և իր հերթին առաջարկեց  իրենց աջակցությունը ծրագրերի հետագա իրականացման համար: 

ԻԵԲ կոմիտեն և ԻՄՓԱՔԹ ակումբները

Այսպիսով ինչպես ԻԵԲ-ի կոմիտեն է ասում սկսվում է հետաքրքիրներից ամենահետաքրքիր փուլը՝ ծրագրերի իրականացումը:

Անի Բարխուդարյան,
ԻԵԲ կոմիտեի անդամ