Հանդիպում Իջևանի համայնքապետի ժամանակավոր պաշտոնակատար Արթուր Ճաղարյանի հետ

Հանդիպում Իջևանի համայնքապետի ժամանակավոր պաշտոնակատար Արթուր Ճաղարյանի հետ

Սեպտեմբերի 30-ին Մարդամեջ 2021 «Քանդակների այգու վերաիմաստավորում» ծրագրի շրջանակներում կայացավ հանդիպում Իջևանի համայնքապետի ժամանակավոր պաշտոնակատար Արթուր Ճաղարյանի և Իջևան Ինֆոտան կամավորների և համայնքի ակտիվ բնակիչների միջև։ Հանդիպման հիմնական նպատակն էր քննարկել առաջիկայում նախատեսված Իջևան խոշորացված համայնքի կառուցվածքը, հնարավորությունները և մարտահրավերները: Քննարկման ողջ ընթացքում ներկաները ազատորեն հարցնում էին իրենց հուզող հարցերը առաջիկայում սպասվող փոփոխությունների վերաբերյալ, իսկ պարոն Արթուր Ճաղարյանը անկեղծորեն պատասխանում էր հուզող բոլոր հարցերին՝ փորձելով ներկայացնել իրավիճակը ամենատարբեր տեսանկյուններից:

Սույն քննարկումը հանդիսացավ Մարդամեջ 2021-ի շրջանակներում վերջին՝ ամփոփիչ միջոցառումը։ Այս անգամ ներկա էին Մարդամեջ 2021-ի նախաձեռնող ողջ թիմը: Միջացոռումը լուսաբանվեց Տավուշ հեռուստաընկերության կողմից:

Ծրագիրն իրականացվում է Մարդամեջ 2021 ծրագրի կողմից ֆինանսավորվող՝ «Քանդակների այգու վերաիմաստավորում» համայնքային ծրագրի շրջանակներում։

Հանդիպման վերջում ամփոփեցինք «Մարդամեջ» ծրագիրը, ներկայացնելով անցած ուղին, արդյունքները և քննարկեցինք հետագա և համատեղ աշխատանքները։

Ծրագրի նպատակն է Իջևան քաղաքում գտնվող Քանդակների այգին դարձնել հանրային միջոցառումների՝ մասնավորապես ոչ ֆորմալ կրթական միջոցառումների՝ բաց դասերի, դասախոսությունների, tedtalk-երի ու հանրային քննարկումների և այլ նմանատիպ միջոցառումների կազմակերպման այլընտրանքային միջավայր։

Ծրագիրն իրականցվում է ԱՄՆ Միջազգային զարգացման գործակալության միջոցով, Եվրասիա համագործակցություն հիմնադրամի հյուսիսային մասնաճյուղ Իջևան ԻնֆոՏան հետ գործընկերությամբ և Իջևանի համայնքապետարանի հետ համագործակցությամբ։