Զրույց-քննարկում Արթուր Մուսայելյանի հետ

 Զրույց-քննարկում Արթուր Մուսայելյանի հետ

Հուլիսի 28-ին Իջևանի «Քանդակների այգու վերաիմաստավորում» ծրագրի  շրջանակներում կայացավ դեռևս ամիսներ առաջ պլանավորված Մարդամեջ 2021 ծրագրի հուլիս ամսվա 3-րդ միջոցառումը:

Այս անգամ մեր հյուրը Արթուր Մուսայելյանն էր, ով խոսեց իր աշխատանքային գործունեության և կյանքի հաջողություններից, ներկայացրեց հետաքրքիր պատմություններ և պատասխանեց ներկաների հարցերին:

Արթուրը հաճույքով պատասխանում էր բոլորի հարցերին՝ փորձելով ներկայացնել երաժշտության և հումորի ոլորտում իրեն հանդիպած դժվարությունները, ինչպես նաև փորձելով հնարավոր լուծումներ առաջարկել այդ ճանապարհին սպասվելիք խոչընդոտները հաղթահարելու համար:

Հանկարծակի սկսած անձրևի պատճառով հանդիպումը շարունակեցինք և ամփոփեցինք Իջևան ԻնֆոՏանը: Միջոցառումը լուսաբանվում էր Տավուշ հեռուստաընկերության կողմից:

Ծրագրի նպատակն է Իջևան քաղաքում գտնվող Քանդակների այգին դարձնել հանրային միջոցառումների՝ մասնավորապես ոչ ֆորմալ կրթական միջոցառումների՝ բաց դասերի, դասախոսությունների, tedtalk-երի ու հանրային քննարկումների և այլ նմանատիպ միջոցառումների կազմակերպման այլընտրանքային միջավայր։ Ծրագիրն իրականցվում է ԱՄՆ Միջազգային զարգացման գործակալության միջոցով, Եվրասիա համագործակցություն հիմնադրամի հյուսիսային մասնաճյուղ Իջևան ԻնֆոՏան հետ գործընկերությամբ և Իջևանի համայնքապետարանի հետ համագործակցությամբ։