Ինչպե՞ս լուսաբանել համայնքի խնդիրներն ու զարգացման հնարավորությունները

ՀԱՅՏԱՐԱՐՈւԹՅՈւՆ

Ինչպե՞ս լուսաբանել համայնքի խնդիրներն ու զարգացման հնարավորությունները

Եվրասիա համագործակցություն հիմնադրամի հյուսիային մասնաճյուղն (ԵՀՀ ՀՄ),

ի դեմս Իջևան Ինֆոտան,

Ուրբանիստայի հետ միասին կազմակերպում է երկօրյա դասընթաց՝ օգոստոսի 7,8-ին, Իջևան Ինֆոտանը: 

Դասընթացի մասնակիցները ձեռք կբերեն համայնքային խնդիրներ, ինչպես նաեւ դրանց լուծմանը խոչընդոտող հանգամանքներն ու համայնքների զարգացման  պոտենցիալը վերհանելու տեսական եւ գործնական հմտություններ։ Այլ կերպ մենք այս հմտությունները միասին անվանում ենք համայնքները «կարդալու» հմտություններ։

Մասնավորպես կուսումնասիրենք.

- ինչպես համացանցում նախնական ուսումնասիրություն անել 

- փաստերի ստուգման մեթոդներն ու գործիքները

- պետական մարմիններից և այլ կազմակերպություններից տեղեկություններ ստանալու կարգերը

- ինչպես օգտվել տվյալների տարբեր շտեմարաններից։  

- ինչպես պատմել համայնքի խնդիրների մասին պատկերների միջոցով

- ինչպես կառուցել մուլտիմեդիա պատմություն։

Դասընթացը կվարեն Ուրբանիստա կայքի գլխավոր խմբագիր Գայանե Միրզոյանը և մուլտիմեդիա նախագծերի ղեկավար  Անահիտ Մինասյանը:

Միջոցառման ընթացքում տեղի կունենան քննարկումներ, Ուրբանիստա կայքի լրագրողների մասնակցությամբ։ 

Իսկ որտե՞ղ եք կիրառելու ստացված գիտելիքները: Այս մասին մենք նույնպես հոգացել ենք:

Դասընթացիցանմիջապես  հետո լավագույն մասնակիցները  հնարավորություն կստանան մասնակցելու

Իջևան Ինֆոտան կողմից կազմակերպվող մեդիա տուրին: Մեդիա տուրի ժամանակ մասնակիցները հնարավորություն կունենան այցելել նախապես ընտրված որևէ համայնք, տեղում ծանոթանալ տվյալ համայնքի խնդիրներին և հնարավորություններին, և  ստեղծել մեդիա նյութ՝ նախընտրելի է տեքստ, սեփական բացահայատումների հիման վրա:

Դասընթացին կարող է մասնակցել 15 տարին լրացած ցանկացած քաղաքացի:
Դասընթացին մասնակցելու համար անհրաժեշտ է լրացնել հետևյալ հայտը:

Հայտերն ընդունվում են մինչև ս/թ օգոստոսի 4-ը. ներառյալ: Ժամկետից ուշ ուղարկված հայտերը կարող է չդիտարկվեն: