Ինչպե՞ս լուսաբանել համայնքի խնդիրներն ու զարգացման հնարավորությունները

ՀԱՅՏԱՐԱՐՈւԹՅՈւՆ

Ինչպե՞ս լուսաբանել համայնքի խնդիրներն ու զարգացման հնարավորությունները

Եվրասիա համագործակցություն հիմնադրամի հյուսիային մասնաճյուղն (ԵՀՀ ՀՄ),

ի դեմս Իջևան Ինֆոտան,

Ուրբանիստայի հետ միասին կազմակերպում է երկօրյա դասընթաց՝ օգոստոսի 7,8-ին, Իջևան Ինֆոտանը: 

Դասընթացի մասնակիցները ձեռք կբերեն համայնքային խնդիրներ, ինչպես նաեւ դրանց լուծմանը խոչընդոտող հանգամանքներն ու համայնքների զարգացման  պոտենցիալը վերհանելու տեսական եւ գործնական հմտություններ։ Այլ կերպ մենք այս հմտությունները միասին անվանում ենք համայնքները «կարդալու» հմտություններ։

Մասնավորպես կուսումնասիրենք.

- ինչպես համացանցում նախնական ուսումնասիրություն անել 

- փաստերի ստուգման մեթոդներն ու գործիքները

- պետական մարմիններից և այլ կազմակերպություններից տեղեկություններ ստանալու կարգերը

- ինչպես օգտվել տվյալների տարբեր շտեմարաններից։  

- ինչպես պատմել համայնքի խնդիրների մասին պատկերների միջոցով

- ինչպես կառուցել մուլտիմեդիա պատմություն։

Աղստևը Իջևանի բնության հուշարձան կամ աղբավայր

Աղստևը Իջևանի բնության հուշարձան կամ աղբավայր

                 

22.07.2019

Աղստև գետը հոսում է Հայաստանում և Ադրբեջանում: Այն սկիզբ է առնում Փամբակի լեռներից: Սկզբում մի փոքրիկ առվակ է, սակայն Դիլիջանի մոտ հորդանալով դառնում է ջրառատ գետ:

Այն Հայաստանի ամենամեծ գետերից է և Իջևանի բնության հուշարձանն է, սակայն ծառայում է որպես աղբաման, որի մեջ են թափվում կենցաղային, շինարարական և այլ տիպի թափոններ:

Անցյալում գետը շրջապատված էր գեղեցիկ ուռենիներով, սակայն ներկայումս դրա փոխարեն գետի շրջակայքում կառուցված են շենքեր, խանութներ, սրճարաններ: Հարակից շենքերի բնակիչները, ինչպես նաև խանութների աշխատողները հենց պատուհաններից սննդի մնացորդները, աղբը լցնում են գետը կարծելով, որ  ինքն իրեն կմաքրվի:

Գետի աղտոտվածությունը մեծ վնաս է հասցնում գետի ձկնատեսակներին, ինչպես նաև գետի ջրերով ոռոգվող հողամասերին:

Կյանքեր հարցականի տակ

                               Կյանքեր հարցականի տակ

   

ՀՀ Տավուշի մարզի սահմանին է գտնվում փոքրիկ Ներքին Կարմիրաղբյուր գյուղը։ Շամշադինի շրջանի Ներքին Կարմիրաղբյուր գյուղի ծագումը սկսվում է 16-րդ դարից։ Դա մի ժամանակաշրջան էր, երբ Հայակական լեռնաշխարհը կռվախնձոր էր դարձել  Պարսկաստանի, Թուրքիայի, լեզգիների միջև և հայ ժողովուրդը ստիպված էր հարկադրական արտագաղթի դիմելու։ Գյուղի բնակիչները, ովքեր իրենց բարբառով ներքին կարմրըխպրեցի են կոչում, ապրում են սահմանից ընդամենը 1,5 կմ հեռավորության վրա։ 

    

   Գյուղի առանձնատների մեծ մասը ավերվել էր հրետակոծություններից և գյուղի բնակչությունը սկսել է արատագաղթել, սակայն շատերը որոշել են մնալ իրենց հայրենի գյուղում և զբաղվել գյուղատնտեսությամբ։ 1965 թվականին սկսել է գործել միջնակարգ դպրոցը։ Գյուղից 5 կմ հյուսիս-արևմուտք գտնվում են Շենատեղեր գյուղատեղին և 10-15 դդ. խաչքարերով գերեզմանոցը (ինֆորմացիոն աղբյուր․ «Վիքիպեդիա ազատ հանրգիտարան»)։

    Գյուղացիները նշում են, որ 10 տարի առաջ  ստիպված են եղել ապրել առանց կենցաղային տարրական պայմանների (գազ, ջուր, լույս և այն)։ Ներկայումս գյուղացիների կենցաղային հոգսերը բավականին թեթևացել են, սակայն նշում են, որ Ներքին Կարմիրաղբյուր գյուղը դեռևս ունի մի շարք մեծ խնդիրներ, որոնցից առաջնային 3-ն են․

·         մշակութային կյանքի և երիտասարդների ժամանցային վայրերի բացակայություն, այս պատճառով գյուղացիների կյանքը անհետաքրքիր է և միապաղաղ,

·         աշխատատեղերի բացակայություն,

·         գյուղի եկեղեցին վերակառուցման կարիք ունի և այն ներկայումս անմխիթար վիճակում է։