четверг, 14 марта 2019 г.

Համայնքապետարանների պաշտոնական կայքերի բովանդակային մշտադիտարկման արդյունքների ներկայացում


Համայնքապետարանների պաշտոնական կայքերի բովանդակային մշտադիտարկման արդյունքների ներկայացում


Իջևան Ինֆոտան կողմից շուրջ մեկ տարի է իրականացվում է Տավուշի մարզի Իջևան, Նոյեմբերյան, Այրում, Բերդ, Դիլիջան, Խաշթառակ, Կողբ համայնքների պաշտոնական կայքերի մշտադիտարկում։
Մարտի 13-ին Իջևան Ինֆոտանը ներկայացվեց համայնքային կայքերի մշտադիտարկման ընթացքում արձանագրած արդյունքները և խնդիրները:
Միջոցառմանը ներկա էին կայքերի պատասխանատուներ, ավագանու անդամներ, ԵՊՀ ԻՄ-ում ստեղծված համայնքային ակտիվ խմբի անդամներ:
Եվ այսպես սկսենք արդյունքներից.
2018 թվականի հունիս, 2018 թվականի սեպտեմբեր ընկած ժամանակահատվածում հաջողվել է էականորեն բարելավել Համայնքային կառավարման տեղեկատվական համակարգի (ՀԿՏՀ) համայնքային կայքերի շագագործման արդյունավետությունը (և՛ քանկական, և՛ որակական առումներով): Համայնքային պաշտոնական կայքերի բովանդակության ուսումնասիրման (մշտադիտարկման) ժամանակ Տեղեկատվական համակարգերի զարգացման և վերապատրաստման կենտրոնի մասնագետների կողմից կիրառվել է «Վեբ բովանդակության վերլուծություն» (Web Content Analysis) մեթոդը: Տվյալ մեթոդը ենթադրում է փորձագետների կողմից առցանց եղանակով կայքերի բովանդակության ուսումնասիրումը՝ նրանցում համապատասխան քանակական և որակական բնութագրերի առկայությունը կամ բացակայությունը որոշելու համար: Դիտարկվել և գնահատվել են ՀԿՏՀ հիման վրա գործող պաշտոնական կայքերի հետևյալ բաղադրիչները. (Աղբյուրը՝ Համայնք-ՀաՄաՏեղ թերթ, Նոյեմբեր, թիվ 11)  
Բաղադրիչի անվանումը
Գնահատում
(բալային համակարգ)
1.      Նորություններ
1-10
2.      Հայտարարություններ
1-5
3.      Զարգացման ծրագրեր
1-5
4.      Ավագանու նիստեր
1-20
5.      Համայնքի ղեկավարի որոշումներ
1-10
6.      Խորհրդակցություններ
1-5
7.      Ընդունելություններ
1-5
8.      Մտիցներ
1-20
9.      Ելիցներ
1-20
10.  Էլեկտրոնային փաստաթղթաշրջանառություն
1-20
11.  Տեղեկանքի տրամադրում
1-10
12.  Բյուջե – Մուտքերի պլան
13.  Բյուջե – Ծախսերի պլան
14.  Բյուջե – Մուտքերի կատարողական
15.  Բյուջե – Ծախսերի կատարողական
1-20
16.  Համայնաքյին գույքի կառավարում
1-20
17.  Թույլտվությունների տրամադրում
1-20
Տավուշի մարզի դիտարկված կայքերի համար ունենք հետևյալ պատկերը.

Համայնք
Կայք
Միավոր
(2018 հունիս)
Միավոր
(2018 սեպտեմբեր)
ԱՃ
(
2018 սեպտեմբեր՝ 2018 հունիսի նկատմամբ)
1.      Դիլիջան
156
156
0
2.      Բերդ
140
143
3
3.      Այրում
120
141
21
4.      Կողբ
123
139
16
5.      Նոյեմբերյան
130
138
8
6.      Իջևան
62
115
53
Ընդգծենք, որ այս մեկ տարվա ընթացքում կայքերն էականորեն բարելավվել և թարմացվել են:
Այդուհանդերձ մշտադիտարկման արդյունքում արձանագրվել են հետևյալ ընդհանուր խնդիրները.

  • Գրեթե բոլոր համայնքային կայքերում բացակայում են համայնքի մասին ընդհանուր տեղեկատվությունը:
  • Ավագանու նիստից առաջ ավագանու նիստի մասին հիմնականում չի հայտարարվում:* 
  • Չկան ավագանու անդամների նկարները, ինչպես նաև բացակայում են մեծ մասի կոնտակտային և կենսագրական տվյալները: Միևնույն ժամանակ պետք է նշել, որ ավագանու անդամների բաժիններում դիագրամի կիրառումը և քվեարկության արդյունքների ֆիլտրի գործածումը շատ օգտակար գործիքներ են: 
  • Հիմնականում բոլորի մոտ թերի են լրացված աշխատակազմի վերաբերյալ բաժինը, շատ դեպքերում կցված չեն պաշտոնի անձնագրերը, նշված չեն հեռախոսահամարները և չկան նկարները: 
  • Գրեթե բոլոր համայնքներում թերի են լրացված կազմակերպությունների կոնտակներ բաժինը:
Իսկ հիմա յուրաքանչյուր համայնքին անդրադառնանք առանձին.

Իջևանի համայնքային կայքում հայտարարություններ բաժինը հիմնականում չի օգտագործվում:** 
Հայտարարությունները  դրվում են նորություններ բաժնում:
Ավագանու անդամները չունեն ուղերձներ, իսկ ավագանու նիստերի օնլայն հեռարձակումը շատ հաճախ չի պահպանվում կայքում, ինչպես նաև հիմնականում բացակայում են որոշման նախագծերի հավելվածները՝ տեսագրություն, արձանագրություն:

Չնայած առաջընթացին Իջևան համայնքի կայքում բացակայում են 2011, 2012, 2015 և 2016 թվականների ավագանու կողմից կայացված որոշումները: 
Նոյեմբերյանի համայնքային կայքում բացակայում են համայնքի ավագանու նիստերի արձանագրությունները և տեսահոլովակները:
Խաշթառակի համայայնքային կայքում բացակայում են համայնքի զարգացման ծրագրերը, ավելին «Զարգացման ծրագրեր» բաժինը տանում է նորություններ բաժին: Համայնքի բյուջեի եկամուտների  կատարողական բաժինը դատարկ է, չկան տարեթվեր, իսկ ծախսեր բաժնում 2013 թվականի տվյալներ են  ներկայացված:

Այրումի և Կողբի համայնքային կայքերը հիմնականում անհասանելի են, ներկայացուցիչների պնդմամբ դրա խնդիրը թույլ ինտերնետ կապն էլ տվյալ համայնքներում:  
Կայքերի պատասխանատուները նույնպես ներկայացրին առաջարկներ՝ դրանք բարելավելու ուղղությամբ: Մասնավորապես գույքի կառավարում բաժինը գործածելու համար անհրաժեշտ է թարմացնել կամ փոխարինել վեկտոր+ ծրագիրը: Կայքերի պատասխանատուների պնդմամբ այն հին է և թույլ, ինչպես նաև աշխատում է հիմնականում XP համակարգով: Վեկտոր+ ծրագիրը միջնորդ ծրագիր է, որն առաջինն է ստանում գույքահարկի հետ կապված տվյալները, այնուհետ այն փոխանցում հիմանական կառավարող ծրագրին:
Պատասխանատուները նշում են նաև, որ համայնքի մասին բաժինը հիմանականում դատարկ է քանի, որ առկա են ներքին տեխնիկական խնդիրներ, մյուս կողմից նրանք ում մոտ այդ հատվածը լրացված է պնդում են 
Իջևան Ինֆոտունը շարունակում է իրականացնել համայնքային պաշտոնական կայքերի մշտադիտարկումը, արդյունքները կրկին կներկայացվեն։

Առաջարկություններ/դիտարկումներ Ինֆոտան կողմից
·      Կայքում ունենալ տեղեկություններ համայնքնապետարաններում
համայնքապետին կից և/կամ ավագանուն կից
մշտական կամ ժամանակավոր խորհուրդների ղեկավարների, անդամների և դրանց գործունեության մասին:

·       Կայքում ավելացնել ՀՈԱԿ-ներ բաժին, որտեղ կարտացոլվեն համայնքում գործունեություն ծավալող ՀՈԱԿ-ների վերաբերյալ յհետևյալ տեղեկությունները՝ տնօրեն, աշխատակազմ, բյուջե և գործունեություն:
·       Հայտարարություններ բաժնում տեղադրել ավագանու նիստերի մասին հայտարարությունները:
(առնվազն 7 օր առաջ, համայնքի ղեկավարը հրապարակում է  ժամը, վայրը և օրակարգի նախագիծը)
·       Բյուջեների հետ կապված ինֆորմացիան գրեթե բոլորի մոտ կա, բայց դրանք միջին վիճակագրական քաղաքացու համար հասկանալի չեն: Ստեղծել այնպիսի ինտերակտիվ բյուջե, որ հասկանալի լինի քաղաքացիներին: Երևանի քաղաքապետարանի ինտերակտիվ բյուջեի օրինակով: 

Մշտադիտարկումը և դրա ներկայացումը իրականացվում է «Հանրային մասնակցություն տեղական ինքնակառավարմանը» (ՀաՄաՏեղ) ծրագրի շրջանակներում:
Ծրագիրը 5-ամյա գործընթաց է, որի նպատակն է բարձրացնել հանրային մասնակցության աստիճանը ապակենտրոնացման և տեղական ինքնակառավարման բարեփոխումներում:

Ծրագիրը քաղաքացիներին տրամադրում է վստահելի տեղեկատվություն և հզորացնում քաղաքացիական հասարակությանը` արդյունավետ, հաշվետու և մասնակցային տեղական ինքնակառավարումը խթանելու նպատակով:
--------------------------------------------------------------------------------------------------------------------------
* Տեխնիկական խնդիր է, քանի որ կայքը պահանջում է, որպեսզի հայտարարության վերջնաժամկետ նշվի, վերջնաժամկետից հետո այն անհետանում է: 
** Նույնը ինչ վերևում: 


Комментариев нет:

Отправить комментарий