Ծրագրերի նախագծում և կառավարում դասընթաց Իջևանում

Հայտարարություն

Եվրասիա համագործակցություն հիմնադրամի հյուսիսային մասնաճյուղը (ԵՀՀ ՀՄ) Խաղաղության կորպուսի (ԽԿ)  հետ համատեղ կազմակերպում է երկօրյա դասընթաց «Ծրագրերի նախագծում և կառավարում» թեմայով, որը տեղի կունենա հունիսի 22-ին և 23-ին ԵՀՀ ՀՄ գրասենյակում (Իջևան Ինֆոտուն):

Դասընթացի նպատակն է  մասնակիցներին փոխանցել ծրագրերի նախագծման և կառավարման փուլերի վերաբերյալ գիտելիքներ և հմտություններ՝ մասնավորապես ինչպես կատարել համայնքի կարիքների գնահատում, ինչպես կազմակերպել ֆոնդահայթայթում և  կազմել ծրագրի իրատեսական բյուջե: 

Ստացված  գիտելիքները մասնակիցներին կօգնեն մշակել և ներկայացնել հաջողակ ծրագրերի առաջարկներ և հեշտությամբ դրանք կառավարել՝ իրականացնել:

Դասընթացն անց կկացվի  թիմային աշխատանքների և ակտիվ քննարկումների միջոցով:

Դասընթացավարներ՝ Պատրիկ Ջոնսոն, ԽԿ, Վարսիկ Ներկարարյան, ԵՀՀ ՀՄ, Էմիլյա Ոսկանյան, ԵՀՀ ՀՄ:

Դիմելու կարգը

Մասնակցել ցանկացողները (15 տարին լրացած) մինչև ս.թ. հունիսի 19-ը ներառյալ պետք է լրացնեն առցանց հայտադիմումը (https://goo.gl/forms/yOHshcZWcmWlWzj82) կամ մոտենան ԵՀՀ հյուսիսային մասնաճյուղի գրասենյակ (Իջևան Ինֆոտուն)  և տեղում լրացնեն մասնակցության հայտը:

Մասնակցության պայմանները.

Դասընթացին կարող են մասնակցել Տավուշի մարզի 15 տարին լրացած քաղաքացիները:

Դասընթացին մասնակցությունն անվճար է:

Դասընթացը կտևի երկու օր՝ 3 ական ժամ:

Դասընթացին ամբողջությամբ մասնակցելը պարտադիր է:

Դասընթացի ամբողջ ընթացքին մասնակցած երիտասարդները կստանան հավաստագրեր:

Հարցերի դեպքում կարող եք գրել evoskanyan-epf-north@epfound.am էլ. հասցեին կամ այցելել ԵՀՀ ՀՄ գրասենյակ: