«Բիզնես սկսելու համար կարևորը ստեղծագործ և նպատակասլաց լինելն է»,-Վարդգես, 22տ, ք. Բերդ,

 «Երիտասարդ ձեռներեց» ծրագրի դասընթաց Տավուշի մարզում

Մասնակցության հավաստագրեր

  Մարտի 29-ին Իջևանի և Դիլիջանի երիտասարդական բանկերը «Երիտասարդ ձեռներեց» ծրագրի շրջանակներում համախմբել էին Տավուշի մարզի 10 համայնքների շուրջ 40 երիտասարդների: 

   Ձեռներեցության հիմունքների մեկօրյա դասընթացի ընթացքում դասընթացավար Մաննիկ Սահակյանը մասնակիցներին ներկայացրեց բիզնես սկսելու և կառավարելու հիմնական քայլերը: 

   

Խմբային աշխատանք

  Մասնակից երիտասարդները բազմաթիվ բիզնես գաղափարներ ունեին և մեծ խանդավառություն դրանք իրականացնելու համար: Որոշ բիզնես գաղափարներ նույնիսկ ուղղված էին համայնքային խնդիրների լուծմանը՝ ժամանցի վայրերի ստեղծում, մարզաբնակ երիտասարդների ծառայությունների մատուցման ոլորտում  հմտությունների զարգացում, գործազրկության կրճատում՝ մասնավորապես երիտասարդների շրջանում, և տեղական ռեսուրսների խելամիտ օգտագործում:

  

  Դասընթացի ընթացքում մասնակցիները իմացան, թե ինչպես է պետք մշակել բիզնես պլան, ինչպես գործունեություն ծավալել շուկայում և ճիշտ ընտրել թիրախային խմբեր:

Բերդի մասնակիցների
բիզնես գաղափարի ներկայացում

   «Բիզնես սկսելու համար կարևորը ստեղծագործ և նպատակասլաց լինելն է», - նշեց Վարդգես Մելքումյանը:

  «Դասընթացը բավականին հետաքրքիր և ուսուցողական էր: Ես ձեռք բերեցի նոր գիտելիքներ: Դասընթացի շնորհիվ նոր նպատակներ դրեցի իմ առջև և ցանկություն առաջացավ սկսել սեփական բիզնես», - ասաց Սուսաննան Հովք համայնքից:

  

  
   

 «Երիտասարդ ձեռներեց» ծրագիրն իրականացվում է Հայաստանի փոքր և միջին ձեռնարկատիրության ազգային կենտրոն (ՓՄՁԶԱԿ) հիմնադրամի միջոցներով, ԱՄՆ Միջազգային զարգացման գործակալության կողմից ֆինանսավորվող «Գործընկերություն հանուն գյուղական համայնքների բարգավաճման»   

ծրագրի  շրջանակներում :

Եվրասիա համագործակցություն հիմնադրամն իրականացնում է «Երիտասարդական ձեռներեցության խթանում Հայաստանի մարզերում» («Երիտասարդ ձեռներց») ծրագիրը՝ գյուղական համայնքներում երիտասարդների քաղաքացիական և տնտեսական մասկացությանը նպաստելու համար։