SIDA - Բռնության կանխարգելում

Հանդիպում ոլորտի հետ առնչվող կազմակերպությունների հետ

Նոյեմբերի 23-ին Իջևան ԻնֆոՏունը իրականացրեց Բռնության և խտրական վերաբերմունքի հարցերով զբաղվող ՏԻՄ-ին կից խորհրդակցական մարմնի ձևավորմանն ուղղված հանդիպում։

Հանդիպման նպատակն էր միավորել ոլորտի հետ առնչվող կազմակերպությունների, հասկանալ ինչ մեթոդաբանությամբ է անհրաժեշտ աշխատել, որպեսզի կատարված աշխատանքն ավելի արդյունավետ լինի, ինչպես Հայաստանում փոխել մշակույթն այնպես, որ նպատակ լինի ոչ թե արձագանքել բռնության դեպքերին, այլ մշտապես փորձել կանխարգելել նման դեպքերը՝ ուղղելով համատեղ ջանքերը խնդիրների արդյունավետ և համապարփակ լուծմանը։ Կարծիքներ հնչեցին նաև այն մասին, որ կարևոր է ունենալ ինստիտուցիոնալ համագործակցության լուծումներ։

«ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության»

 Տեղեկատվական հանդիպում Գյումրիում

[English Text Below]

Նոյեմբերի 15-ին Գյումրի ԻնֆոՏանը տեղի ունեցավ տեղեկատվական հանդիպում աշխատանքային իրավունքների վերաբերյալ բողոքներ ստանալու նպատակով ստեղծված կայքի վերաբերյալ։ Հանդիպումն իրականացվեց «ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագրի տեղեկատվական արշավի շրջանակներում։

Հանդիպման ընթացքում մասնակիցները ծանոթացան աշխատանքային իրավունքների վերաբերյալ բողոքներ ստանալու նպատակով ստեղծված azdarar.mdi.am կայքին, դրանից օգտվելու ձևերին, տեղում փորձեցին կիրառել հմտությունները և պարզաբանել առաջացած հարցերը։

Տեղեկատվական Հանդիպում

 Նոյեմբերի 10-ին Հայաստանի ամերիկյան համալսարանի (ՀԱՀ) Ընդունելության գրասենյակը տեղեկատվական հանդիպում անց կացրեց Իջևան ԻնֆոՏանը։

Հանդիպման ժամանակ ներկայացվեց ՀԱՀ մագիստրատուրայի ծրագրերը, ինչպես նաև 2023 թվականի ընդունելության և ֆինանսական օժանդակության պայմանները։

Մասնակիցները ակտիվ ձեւով ուղղեցին հետաքրքրող բոլոր հարցերը և ստացան սպառիչ պատասխաններ։

Հայաստանի ամերիկյան համալսարանի (ՀԱՀ) տեղեկատվական հանդիպում

 

Հայաստանի ամերիկյան համալսարանի (ՀԱՀ) Ընդունելության գրասենյակը նոյեմբերի 10-ին՝ հինգշաբթի՝ ժամը 3։30-ին, Իջևանի ԻնֆոՏանը կներկայացնի մագիստրատուրայի իր ծրագրերը, ինչպես նաև՝ 2023 թվականի ընդունելության և ֆինանսական օժանդակության պայմանները։

Հետաքրքրված դիմորդները կարող են նախապես գրանցվել տեղադրված հղումով և մասնակցել հանդիպմանը։

Տեղեկատվական Հանդիպում

Մեդիանախաձեռնությունների կենտրոն

Հոկտեմբերի 28-ին Մեդիանախաձեռնությունների կենտրոնը Իջևան ԻնֆոՏանը անցկացրեց տեղեկատվական հանդիպում։

Հանդիպման ընթացքում քննարկվեցին սոցիալական ցանցերում և առհասարակ մեդիաում տիրող տեղեկատվական հոսքերի կեղծ և իրական լինելը, ինչպես տարբերակել և այլն։

Հանդիպումն անցավ շատ դրական մթնոլորտում, մասնակիցները շատ ակտիվ էին, տալիս էին հարցեր և արտահայտում կարծիքներ։