Կամավորական աշխատանքի հնարավորություն Եվրասիա համագործակցություն հիմնադրամի հյուսիսային մասնաճյուղում (ԵՀՀ ՀՄ)

Կամավորական աշխատանքի հնարավորություն
Եվրասիա համագործակցություն հիմնադրամի հյուսիսային մասնաճյուղում (ԵՀՀ ՀՄ)

Եվրասիա համագործակցություն հիմնադրամի հյուսիսային մասնաճյուղը հրավիրում է պատասխանատու, պարտաճանաչ, մանրուքների հանդեպ ուշադիր և համակարգչից օգտվելու բազային գիտելիքներ ունեցող երիտասարդի համայնքային կայքերի մշտադիտարկում (մոնիթորինգ) իրականացնելու համար:

Կայքերի մշտադիտարկումն իրականացվում է ամիսը 1 անգամ, ամսվա վերջին օրերին՝ հատուկ ստեղծված ձևաթղթի օգնությամբ:

ԵՀՀ ՀՄ մշտադիտարկում իրականացնում է 2018 թվականից ի վեր:

Դիմել կարող է հետևյալ խմբերից որևէ մեկին պատկանող ցանկացած անձ՝
-10,11, 12-րդ դասարանի աշակերտ
-1,2, 3, 4-րդ կուրսի ուսանողներ

Կամավորական աշխատանքը հաջող  իրականացնելու դեպքում կամավորը ձեռք կբերի.

1) Գիտելիքներ Տեղական ինքնակառավարման ոլորտի վերաբերյալ:

2)Կամավորական աշխատանքի փորձ,  որը ճանաչելի է բազմաթիվ տեղական և միջազգային կազմակերպությունների կողմից:

Կամավորական աշխատանքի փորձը նաև հանդիսանում է պարտադիր պահանջ  տեղական ու միջազգային մի շարք հեղինակավոր համալսարաններում և քոլեջներում ընդունելության ժամանակ: Կամավորական աշխատանքի փորձը Ձեզ նաև հնարավորություն կտա ստանալ տարբեր կրթաթոշակներ ու մասնակցել տեղական ու միջազգային սեմինարների:

3) Հավաստագիր և անհրաժեշտության դեպքում նաև երաշխավորագիր նամակ տվյալ աշխատանքն իրականացնելու համար:

Այս ամենից զատ ընտրված անձինք հնարավորություն կունենան աշխատել ստեղծագործ միջավայրում, հաղորդակցվել ոլորտի փորձագետների հետ, մասնակցել դասընթացների և վերապատրաստումների:

Կամավորական աշխատանքի տևողությունը՝ 3 ամիս (ս/թ փետրվար, մարտ, ապրիլ):

Կամավորն ամսական զբաղված կլինի մինչև 20 ժամ: (Գրաֆիկը կկազմվի ընտրված կամավորի հետ միասին՝ հաշվի առնելով նրա այլ զբաղվածությունները)

Անհրաժեշտ փաստաթղթեր են.

1) համառոտ ինքնակենսագրություն

2) 250 բառի սահմաններում մոտիվացիոն նամակ, թե ինչո՞ւ  եք ցանկանում կատարել այս աշխատանքը և ինչո՞ւ հենց Ձեզ պետք է ընտրեն:

 
Պահանջվող փաստաթղթերը խնդրում ենք ուղարկել evoskanyan-epf-north@epfound.am էլ. հասցեով, մինչև ս/թ հունվարի 22-ը, ժամը 18:00-ը: Հարցերի դեպքում  կարող եք գրել Իջևան ինֆոտան Facebook-յան  էջին կամ այցելել ԵՀՀ ՀՄ գրասենյակ:

Հասցե՝ ք. Իջևան, Անկախության 60: (Անկախության 8 և 10 շենքերի հարևանությամբ):

Նամակի վերնագրի տողում խնդրում ենք անպայման գրել՝

Անուն ազգանուն_կամավորական աշխատանք_ԵՀՀ ՀՄ

(Օրինակ՝ Պողոս Պողոսյան_կամավորական աշխատանք_ԵՀՀ ՀՄ)

Առանց վերնագրի տողում համապատսխան գրառման հայտերը հնարավոր է չդիտարկվեն: