Մի կամավորի պատմություն

   Իջևան ԻնֆոՏունը սկսել է «մի կամավորի պատմություն» հարցազրույցների շարք, որի  նպատակն է բարձրացնել կամավորության դերը, հասկանալ, գնահատել ԻնֆոՏան ազդեցությունը իր շահառուների կյանքում: 

         

Արինան վարում է ԻնֆոՏան
Անգլերնի ակումբը: 

  Այսօր մենք զրուցում էինք Արինա Պարոնյանի հետ, ով այժմ սովորում է ԵՊՀ ԻՄ Անգլերեն լեզու և գրականության բաժնում: Արինան Իջևան ԻնֆոՏան առաջին կամավորներից մեկն է:

Արինան UWCD-ի ուսանողներին
 պատմում է ինֆոՏան
 գործունեության և
դրանցում իր դերի մասին

  - Արինա, ի՞նչ է կամավորությունը քեզ համար, ըստ քեզ քանի՞ տարեկանից պետք է ընդգրկվել կամավորական ծրագրերի մեջ:

  - Կամավորությունը հնարավորություն է տալիս մարդկանց փորձ ձեռք բերել: Բացի փորձը, կամավոր լինելով և տարբեր ծրագրերի ու միջոցառումների մասնակցելով ձեռք ես բերում շատ ընկերներ: Կամավորություն անելն օգնում է մարդկանց ազատվել կոմպլեքսներից, այդ իսկ պատճառով ես խորհուրդ կտայի, որ հնարավորինս շուտ երեխաները ներառվեն կամավորական աշխատանքներում: Կամավոր լինելով անձը դառնում է ավելի ինքնավստահ ու համարձակ:

  - Փոխե՞ց ԻնֆոՏունը քո կյանքում ինչ-որ բան:

  - Ես սկսել եմ կամավորություն անել դեռ 2012 թվականից և մինչ օրս շարունակում եմ իմ կամավորական աշխատանքը: Իջևան ԻնֆոՏանը կամավոր դարձել եմ 2014 թվականին:

Տավուշի մարզային
 գրադարանի մանկական
 սենյակում Արինան
ԻնֆոՏան Սյուզան ՄաքԲրայդի հետ
փոքրիկների համար հեքիաթ է կարդում

Մեկ բան որ կուզեմ ընդգծել այն է որ ես  ինքնավստահություն ձեռք բերեցի: Ես ունեմ սեփական կարծիք, սա շատ կարևոր է, և ես ազատ արտահայտում եմ այն: Այս տարիների ընթացքում ձեռք եմ բերել շատ ընկերներ, որոնցից շատերն ինձ համար դարձել են ներշնչանք: Ձեռք եմ բերել փորձ, որն անհնար կլիներ ձեռք բերել առանց կամավոր լինելով ու առանց ԻնֆոՏան: Կամավորություն անելով ծանոթանում ես ոչ միայն մարդկանց հետ ովքեր  քեզ համար դառնում են օրինակ այլ նաև մարդկանց հետ ովքեր գնահատում են քեզ՝ քո գիտելիքների ու արժանիքների համար»:

ԻնֆոՏան Արինան և Սյուզանը
Տավուշի մարզային գրադարանի մանկական սենյակում

  - Ի՞նչ խորհուրդ կտաս քեզնից հետո եկող կամավորներին:

  - Հնարավորինս երկար ժամանակ շարունակել կամավորական աշխատանքը: Եվ հնարավորինս շատ բան փոխել իրենց քաղաքում»:

  - Մեկ նախադասությամբ ինչպե՞ս կնկարագրեիր ԻնֆոՏունը:

  - Վայր որտեղ չկան անգործ մարդիկ և որտեղ կամավորները փորձում են ինչ-որ բան փոխել իրենց  քաղաքում:

  - Ի՞նչ կփոխեիր ԻնֆոՏանը կամ ի՞նչ խորհուրդ ունես:

  - Ինֆոտանը ոչինչ չէի ցանկանա փոխել ուղղակի կուզեմ ավելի շատ կամավորներ տեսնել:

  

 Զրույցը վարեց՝ Նարեկ Դավթյանը
                                                                                     Իջևան ԻնֆոՏուն