UWC Դիլիջան միջազգային դպրոցի աշակերտների այցը Իջևան և UWC տեղեկատվական օր ԵՀՀ ՀՄ-ում

UWCD աշակերտներն
Իջևանի ավագ դպրոցում

   UWC Դիլիջան միջազգային դպրոցի աշակերտներն ամեն տարի ունենում են ծրագրային շաբաթ, որի շրջանակներում խմբերով մեկնում են Հայաստանի տարբեր մարզեր և Վրաստան նպատակ ունենալով հենց տեղում ծանոթանալու իրենց հասակակիցների ու նրանց առօրյայի հետ: Այցի ընթացքում նրանք այցելում են ինչպես դպրոցներ այնպես էլ համայնքային մի շարք այլ կառույցներ: Իջևան կատարվելիք այս հերթական այցի ժամանակ ԵՀՀ հյուսիսային մասնաճյուղը, որպես գործընկեր կազմակերպություն աջակցեց կազմակերպչական հարցերով:

   Պայմանավորվածություններ ձեռք բերվելուց հետո ԵՀՀ ՀՄ կամավորները UWC Դիլիջան միջազգային դպրոցի սաներին ուղեկցեցին Իջևանի ավագ դպրոց, Իջևանի «Վերնատուն» պատկերասրահ, Իջևանի պատմաերկրագիտական թանգարան, ԵՊՀ Իջևանի մասնաճյուղ, Իջևանի գինու և կոնյակի գործարան, Գանձաքար գյուղի մանկապարտեզ ու դպրոց ինչպես նաև Լուսաձոր գյուղի դպրոց:
ԵՀՀ ՀՄ կամավորներն հյուրերին ցույց տվեցին նաև Իջևանի քանդակների այգին, պատմեցին քանդակների ստեղծման պատմությունն ու Իջևանում 1985-1991թթ ամեն տարի շարունակ իրականացվող քանդակագործության միջազգային սիմպոզիումի մասին:

    UWC Դիլիջան միջազգային դպրոցի աշակերտները եղան նաև ԵՀՀ ՀՄ գրասենյակում ծանոթանալու կազմակերպության ծրագրերին ու աշխատանքներին ինչպես նաև տեղացի դպրոցականներին ու նրանց ծնողներին պատմելու իրենց դպրոցի և դպրոց ընդունվելու կարգի մասին: