«ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության»

 Տեղեկատվական հանտիպում Հրազդանում

[English Text Below]

Ապրիլի 18-ին Կոտայք ԻնֆոՏանը տեղի ունեցավ տեղեկատվական հանդիպում աշխատանքային իրավունքների վերաբերյալ բողոքներ ստանալու նպատակով ստեղծված կայքի վերաբերյալ։ Հանդիպումն իրականացվեց «ԵՄ-ն հանուն աշխատանքային իրավունքների. Հայաստանում քաղաքացիական ձայնի և դերի հզորացում՝ հանուն աշխատանքային իրավունքների և սոցիալական պաշտպանության» ծրագրի տեղեկատվական արշավի շրջանակներում։

Հանդիպման ընթացքում մասնակիցները ծանոթացան աշխատանքային իրավունքների վերաբերյալ բողոքներ ստանալու նպատակով ստեղծված azdarar.mdi.am կայքին, դրանից օգտվելու ձևերին, տեղում փորձեցին կիրառել հմտությունները և պարզաբանել առաջացած հարցերը։

SIDA - Բռնության կանխարգելում

 «Բռնությունը կանանց տեսանկյունից»

«Իջևան ԻնֆոՏուն» ՀԿ-ն շարունակում է իրականացնել ծրագրեր ուղղված բռնության կանխարգելմանը։

Մեր հասարակական կազմակերպությունը նախաձեռնեց հետազոտություն, որի նպատակն էր հասկանալ Իջևան խոշորացված համայնքի տարբեր տարիքային խմբերի ու ոլորտների ներկայացուցիչների շրջանում բռնության ընկալումը։

Նշենք, որ քննարկումների շարքի շրջանակներում իրականացվեց 4 հանդիպում դպրոցականների, երիտասարդների, որոշում կայացնողների և կանանց շրջանում։

Ծառատունկ Իջևանում

Մարտի 6-ին Իջևան ԻնֆոՏան աշխատակիցները, կամավորները և ակտիվ քաղաքացիներ Իջևան քաղաքում իրականացրին ծառատունկ։

Ծառատունկի ընթացքում մասնակիցները տնկեցին 20 ծառ։

Իջևան ԻնֆոՏան կամավորներից մեկը պայմանավորվածություն է ձեռք բերել համայնքապետարանի հետ, որպեսզի հետագայում վերջինս զբաղվի ծառերի խնամքով։

Քանդակների այգու վեբ կայք ստեղծված Իջևան ԻնֆոՏան կողմից

  Ձեզ ենք ներկայացնում Իջևանի Քանդակների այգու համար ստեղծված վեբ կայքը։

«Իջևան ԻնֆոՏուն» ՀԿ-ն տարիներ շարունակ ծրագրեր է իրականացրել քաղաքի տարբեր տարածքների պահպանման, մաքրման, իսկ այս անգամ՝ վերամիաստավորման շուրջ։

Մի քանի ամիս տևած երկար և ծավալուն աշխատանքներից հետո ձեզ ենք ներկայացնում Իջևանի Քանդակների այգու համար ստեղծված վեբ կայքը։

Կայքում ներկայացված են այգու հուշարձանների քարտեզը և դրանց վերաբերյալ քաղաքի բնակիչների անձնական հիշողություններ և պատմություններ, որոնք ավելի են ընդգծում այգու դերը քաղաքի բնակիչների կյանքում։

Կայքի հղումը՝ ստորև․

https://ijevan.csnlab.net

Կայքում կարող եք ծանոթանալ այգու պատմությանը,այգու քաղաքային եւ սոցիալական հիշողության կարեւորագույն տարրերին, ուսումնասիրել քանդակների քարտեզը:

SIDA - Բռնության կանխարգելում

Բռնության թեմայով ֆոկուսխմբային քննարկում Իջևան խոշորացված համայնքի որոշում կայացնողների և ոլորտի մասնագետների շրջանում

Փետրվարի 26-ին Իջևան ԻնֆոՏանը տեղի ունեցավ բռնության թեմայով ֆոկուսխմբային քննարկումների շարքի 3-րդ անդիպումը Իջևան խոշորացված համայնքի որոշում կայացնողների և ոլորտի մասնագետների շրջանում։

Հանդիպման գլխավոր նպատակն էր հասկանալ բռնության ընկալումը համայնքի որոշում կայացնողների և ոլորտի մասնագետների շրջանում։

Քննարկման ընթացքում մասնակիցները ակտիվությամբ արտահայտեցին իրենց կարծիքները թեմայի վերաբերյալ։

Ուշադրություն

Սիրելի հետևորդներ, Իջևան ԻնֆոՏունը սկսում է քննարկումների նոր շարք՝ այս անգամ անգլերեն լեզվով։

Առաջին քննարկումը տեղի է ունենալու.

մարտի 3-ին,

Իջևան ԻնֆոՏան գրասենյակում,

Ժամը՝ 15։00-ին։

Թեմա՝ Generation Gap (Սերունդների տարակարծություն)

Քննարկումներին մասնակցել կարող են անգլերենի առնվազն B1 մակարդակի տիրապետող մարդիկ։

Մասնակցելու համար անհրաժեշտ է լրացնել մասնակցության թերթիկը կա՛մ անցնելով ստորև տեղադրված հղումով, կա՛մ օգտագործելով նկարում տեղադրված QR կոդը․

SIDA - Բռնության կանխարգելում

Բռնության վերաբերյալ ֆոկուսխմբային քննարկում 19-29 տարեկան

երիտասարդների շրջանում

Փետրվարի 8-ին Իջևան ԻնֆոՏանը անցկացվեց բռնության վերաբերյալ ֆոկուսխմբային քննարկում 19-29 տարեկան երիտասարդների շրջանում։

Սա բռնության թեմայով ֆոկուսխմբային քննարկումների շարքի երկրորդ հանդիպումն էր։ Հանդիպման գլխավոր նպատակն էր հասկանալ բռնության ընկալումը համայնքի երիտասարդների շրջանում։

Մասնակիցները մեծ ակտիվությամբ քննարկում էին հնչեցված հարցերը, արտահայտում կարծիքներ։