Ուշադրություն

Սիրելի հետևորդներ, Իջևան ԻնֆոՏունը սկսում է քննարկումների նոր շարք՝ այս անգամ անգլերեն լեզվով։

Առաջին քննարկումը տեղի է ունենալու.

մարտի 3-ին,

Իջևան ԻնֆոՏան գրասենյակում,

Ժամը՝ 15։00-ին։

Թեմա՝ Generation Gap (Սերունդների տարակարծություն)

Քննարկումներին մասնակցել կարող են անգլերենի առնվազն B1 մակարդակի տիրապետող մարդիկ։

Մասնակցելու համար անհրաժեշտ է լրացնել մասնակցության թերթիկը կա՛մ անցնելով ստորև տեղադրված հղումով, կա՛մ օգտագործելով նկարում տեղադրված QR կոդը․

SIDA - Բռնության կանխարգելում

Բռնության վերաբերյալ ֆոկուսխմբային քննարկում 19-29 տարեկան

երիտասարդների շրջանում

Փետրվարի 8-ին Իջևան ԻնֆոՏանը անցկացվեց բռնության վերաբերյալ ֆոկուսխմբային քննարկում 19-29 տարեկան երիտասարդների շրջանում։

Սա բռնության թեմայով ֆոկուսխմբային քննարկումների շարքի երկրորդ հանդիպումն էր։ Հանդիպման գլխավոր նպատակն էր հասկանալ բռնության ընկալումը համայնքի երիտասարդների շրջանում։

Մասնակիցները մեծ ակտիվությամբ քննարկում էին հնչեցված հարցերը, արտահայտում կարծիքներ։

Իջևան ԻնֆոՏան նոր պրակտիկանտները

Ծանոթացեք Իջևան ԻնֆոՏան պրակտիկանտների՝ Լուիզա Անտոնյանի, Աննա Այդինյանի և Ռայա Պետրոսյանի հետ։

Նրանք ԵՊՀ Իջևանի մասնաճյուղի Օտար լեզու և գրականություն բաժնի 4-րդ կուրսի ուսանողներ են և «Իջևան ԻնֆոՏուն» հասարակական կազմակերպությունում են անցնում իրենց մասնագիտական պրակտիկան։

Ուշադրություն

Հարգելի քաղաքացիներ, շահագրգիռ կողմերի հետ քննարկման արդյունքում ժամային փոփոխություններ են կատարվել ներհամայնքային տրանսպորտի երթուղիներում։

Սկասած 06.02.2023թ Իջևան֊Սարիգյուղ֊Բերքաբեր֊Ծաղկավան և Իջևան֊Ազատամուտ֊Այգեհովիտ֊Վազաշեն երթուղին ժամը 16։30֊ի փոխարեն կսպասարկի 17։00֊ին։

SIDA - Բռնության կանխարգելում

Բռնության խնդրի ուսումնասիրության շուրջ ֆոկուսխմբային քննարկում ավագ դասարանների աշակերտների շրջանում

Հունվարի 22-ին Իջևան ԻնֆոՏանը տեղի ունեցավ բռնության խնդրի ուսումնասիրության շուրջ ֆոկուսխմբային քննարկում ավագ դասարանների աշակերտների շրջանում։

Քննարկման ընթացքում քննարկվեցին մի շարք հարցեր, ինչպիսիք են երիտասարդների առնչությունը բռնությանը, որոնք են դրա պատճառները, հետևանքները և այլն։

Սա բռնության թեմայով ֆոկուսխմբային քննարկումների շարքի առաջին հանդիպումն էր, որին հաջորդելու են ևս 3 քննարկումներ։

Վերոնշյալ ծրագրի փորձագետն է սոցիոլոգ, բռնության կանխարգելման հարցերով փորձագետ Գայանե Հովակիմյանը։

Սույն հանդիպումների գլխավոր նպատակն է հասկանալ բռնության ընկալումը Իջևան խոշորացված համայնքի բնակիչների շրջանում։

Իջևանի Քանդանկների այգու համար ստեղծված կայքը։

 Քանդակների այգի

«Իջևան ԻնֆոՏուն» ՀԿ-ն տարիներ շարունակ ծրագրեր է իրականացրել քաղաքի տարբեր տարածքների պահպանման, մաքրման, իսկ այս անգամ՝ վերամիաստավորման շուրջ։

Մի քանի ամիս տևած երկար և ծավալուն աշխատանքներից հետո ձեզ ենք ներկայացնում Իջևանի Քանդակների այգու համար ստեղծված վեբ կայքը:

Կայքում ներկայացված են այգու հուշարձանների քարտեզը և դրանց վերաբերյալ քաղաքի բնակիչների անձնական հիշողություններ և պատմություններ, որոնք ավելի են ընդգծում այգու դերը քաղաքի բնակիչների կյանքում։

Կայքի հղումը՝ ստորև․ https://ijevan.csnlab.net

Մեր կամավորները /Ջուլիետա Ղարդաշյան/

Ձեզ ենք ներկայացնում մեր կամավոր Ջուլիետա Ղարդաշյանի ձեռքի աշխատանքները։

Նշենք, որ Ջուլիետան սովորում է ԵՊՀ Իջևանի մասնաճյուղի Կիրառական արվեստ ֆակուլտետի Դեկորատիվ կիրառական արվեստ բաժնի 4-րդ կուրսում։