«Քանդակների այգու վերաիմաստավորում» ծրագրի շրջանակներում միջոցառում համայնքների խոշորացման վերաբերյալ
Հուլիսի
16-ին Իջևանի «Քանդակների այգու վերաիմաստավորում» ծրագրի շրջանակներում կայացավ Մարդամեջ
2021 ծրագրի հերթական միջոցառումը՝ այս անգամ համայնքների խոշորացման վերաբերյալ: Մարդամեջ
2021-ն իրականացվում է «Հանրային մասնակցություն տեղական ինքնակառավարմանը» (ՀաՄաՏեղ)
հնգամյա ծրագրի շրջանակներում։
Օրվա
քննարկումը նպատակ ուներ բարձրացնել քաղաքացիների իրազեկվածության մակարդակը համայնքների
խոշորացման վերաբերյալ։ Միջոցառման ընթացքում ներկայացվեց համայնքների խոշորացման հնարավորությունները,
առավելությունները և հնարավոր ռիսկերը։
Ներկաները
նաև հնարավորություն ունեցան իրենց հարցերն ուղղելու ՏԻՄ ներկայացուցչին և համընդհանուր
քննարկան միջոցով ստանալ հուզող հարցերի պատասխանները։
«Քանդակների
այգու վերաիմաստավորում» ծրագրի նպատակն է Իջևան քաղաքում գտնվող Քանդակների այգին
դարձնել հանրային միջոցառումների՝ մասնավորապես ոչ ֆորմալ կրթական միջոցառումների՝
բաց դասերի, դասախոսությունների, tedtalk-երի ու հանրային քննարկումների և այլ նմանատիպ
միջոցառումների կազմակերպման այլընտրանքային միջավայր։
Ծրագիրն
իրականցվում է ԱՄՆ Միջազգային զարգացման գործակալության միջոցով, Եվրասիա համագործակցություն
հիմնադրամի հյուսիսային մասնաճյուղի, Իջևանի ԻնֆոՏան հետ գործընկերությամբ և Իջևանի
համայնքապետարանի հետ համագործակցությամբ։
Комментариев нет:
Отправить комментарий