Մեդիան ներսից
 |
| Սիվիլիթաս/Սիվիլնեթ հիմնադրամ |
 |
| ԵՀՀ Հայաստան |
 |
| Հայաստանի հանրային ռադիո |
Երիտասարդներն առաջինն այցելեցին Հայաստանի հանրային ռադիո: Նրանք ծանոթացան ավելի քան իննսուն տարվա պատմություն ունեցող հայկական ռադիոյին, ականատես եղան, թե ինչպես են թվայնացվում հին ձայնապնակները, ավելին` հասցրեցին լսել ռադիոպիեսից մի հատված, տեսան արդեն թանգարանային նմուշ դարձած հնագույն ռադիոսարքավորումները: Երիտասարդներն ականատես եղան, թե ինչպես են ձայնագրվում ռադիոհաղորդումները: Նրանք անգամ հարցազրույց տվեցին իրենց մարզի վերաբերյալ:
 |
| Հետք ինտերնետային թերթ |
Հաջորդ կանգառը hetq.am ինտերնետային թերթի գրասենյակն էր, որտեղ գլխավոր խմբագիր Էդիկ Բաղդասարյանը երիտասարդներին պատմեց հետաքննական լրագրության մասին: Ոմանք նույնիսկ խոստացան թղթակցել: Հետաքրքիր էր պարզել, որ լրագրությունն այնքան էլ միօրինակ մասնագիտություն չէ, այլ բազմաշերտ և բազմաճյուղ մի համակարգ, որը հասարակությանն օգնում է լինել իրազեկված` տալով անհրաժեշտ տեղեկատվություն:
Երիտասարդների վերջին կանգառը Սիվիլիթաս/Սիվիլնեթ հիմնադրամ էր: Այստեղ երիտասարդները ծանոթացան լրատվականի ստեղծման պատմությանը և այն դժվարություններին, որոնց հանդիպում են մեդիաընկերություններն իրենց գործունեության այս կամ այն փուլում: Սիվիլնեթի գլխավոր խմբագիր
Կարեն Հարությունյանը երիտասարդներին հորդորեց միանշանակ չհավատալ տրված ինֆորմացիային և անպայման ստուգել նյութի հավաստիությունը, ինչպես նաև կարևորություն տալ նյութի աղբյուրին` թե որտեղից է այն վերցված:
Շնորհակալություն ենք հայտնում Եվրասիա համագործակցության հիմնադրամի հյուսիսային մասնաճյուղին մարզում ոչ ֆորմալ կրթական ծրագրեր իրականացնելու համար:
Վանուհի Աղինյան
Մեդիատուրի մասնակից
Комментариев нет:
Отправить комментарий